ءبىزدىڭ ورالدا باقشا ونىمدەرىنەن ۋلانىپ, اۋرۋحاناعا ءتۇسىپ جاتقاندار از ەمەس. سەبەبى, كوشەلەردىڭ, اۆتوجولداردىڭ بويىندا ۇيىلگەن قاۋىن, قاربىز كوپ. توڭىرەگى – قوقىس.
ءبىزدىڭ ورالدا باقشا ونىمدەرىنەن ۋلانىپ, اۋرۋحاناعا ءتۇسىپ جاتقاندار از ەمەس. سەبەبى, كوشەلەردىڭ, اۆتوجولداردىڭ بويىندا ۇيىلگەن قاۋىن, قاربىز كوپ. توڭىرەگى – قوقىس.
جول جاقتا – قارا شاڭ. ورتادا – جەڭسىك اس. وسىنداي كورىنىس جىل سايىن قايتالانادى. جىر بولىپ ايتىلادى. بىراق ءسوز بولادى دا قالادى. ءتيىستى باسقارما, سانيتارلىق قىزمەتتەر دىم كورمەگەندەي, ءۇنسىز. مەديكتەر دابىل قاقپايدى. نەگە دەسەڭىز, مۇندايعا كوزدەرى ۇيرەنىپ كەتكەن. «تۇيە كوپ بولسا, جۇك سىيمايدى» عوي. تولعان قاداعالاۋشى, باقىلاۋشى ءبىر-بىرىنە سىلتەپ, كەڭسەدەگى قاعاز تاسقىنىنان مۇرشالارى بولمايدى.
سونشاما باقىلانبايتىنداي, ناستىقتىڭ شەگىنەن شىققان بۇل نە ساۋدا؟ شاھارلاردا ساقاداي ساي بولماسا دا, شاماعا سوعاتىن, جول قوزعالىسىنا دا قاۋىپ تۋدىرمايتىن ماۋسىمدىق ساۋدا الاڭدارىن جاساۋ قيىن ەمەس قوي. بۇعان الدە جەر جەتپەي مە؟ بىزدىڭشە وي جەتپەيدى, قۇنت جەتپەيدى.
بولات ەسقاليەۆ.
باتىس قازاقستان وبلىسى.