وبلىس ورتالىعىنداعى جەدەل مەديتسينالىق جاردەم ستانساسى رەسپۋبليكالىق بايقاۋدا ۇزدىك اتاندى.
وبلىس ورتالىعىنداعى جەدەل مەديتسينالىق جاردەم ستانساسى رەسپۋبليكالىق بايقاۋدا ۇزدىك اتاندى.پاۆلودارلىقتاردىڭ توپ جارۋىنا دارىگەرلەردىڭ كاسىبي شەبەرلىگى مەن قىزمەت كورسەتۋدەگى شاپشاڭدىعى, زاماناۋي جابدىقتارمەن جۇمىس جاساي بىلەتىندەرى جول اشتى. بۇل كۇندەرى وبلىس ورتالىعىنداعى جەدەل جاردەم ستانساسى باسقا وبلىستاردى ايتپاعاندا, استانا مەن الماتىعا ەندى عانا جەتكەن GPS-ناۆيگاتسياسى جۇيەسىن پايدالانۋدا. بۇل جۇيە قازىر وبلىس ورتالىعىنان تىس اۋماقتاردا دا قولدانىلا باستاپتى. توسىن وقيعا ورىن الىپ, ادامدار زارداپ شەككەن جاعدايدا دارىگەرلەر دەرەۋ سول جاققا جەتەدى نەمەسە جاقىن ورنالاسقان امبۋلاتوريالىق اۋرۋحاناعا حابارلاسادى.
بۇل قوندىرعىلار قۋات كوزىنسىز ەكى ساعات جۇمىس ىستەي الادى ەكەن. قوڭىراۋ شالعان ادامنىڭ بايلانىس ءنومىرى اۆتوماتتى تۇردە ساقتالادى. دارىگەرلەر جان-جاقتى جابدىقتالعان رەانوموبيلدەگى ارنايى قۇرالدار ارقىلى رەانيماتسياعا جەتكىزىلۋى ءتيىس ناۋقاستارعا العاشقى كومەك كورسەتە الادى. ءدارى-دارمەك, وتتەگى اپپاراتى, رەانيماتسيالىق سومكە, ءار دارىگەردە پلانشەت بار. باس دارىگەر قانادان قاناش ۇلىنىڭ ايتۋىنشا, 26 بريگادا كۇن سايىن 500-دەن استام سىرقاتقا قىزمەت كورسەتەدى.
جەدەل جاردەم ستانساسىندا 76 دارىگەر, 170 فەلدشەر, بارلىعى 544 قىزمەتكەر كۇنى-ءتۇنى ەڭبەك ەتۋدە. ۇجىمعا وتكەن جىلى 11 جاس دارىگەر كەلىپ قوسىلىپتى. ستانسا جانىنان اۋدانداردان كەلەتىن دارىگەرلەر ءۇشىن وقۋ ورتالىعى اشىلعان.
فاريدا بىقاي,
«ەگەمەن قازاقستان».
پاۆلودار.