«عىلىم ورداسى» سيرەك كەزدەسەتىن كىتاپتار مۋزەيى عۇلاما-عالىم, الەمگە ايگىلى ويشىل, فيلوسوف, كوپتەگەن عىلىم سالاسىنا زەرتتەۋلەرىن ارناعان ءابۋ ناسىر ءال-ءفارابيدىڭ 1150 جىلدىعىنا وراي ۇيىمداستىرىلعان «يسلام كالليگرافياسىنىڭ فيلوسوفياسى» تاقىرىبىندا كالليگراف اسىلبەك ورىنباساروۆتىڭ تۋىندىلارىنان تۇراتىن كوشپەلى كورمەنىڭ تۇساۋكەسەرى مەن شەبەرلىك-ءدارىسى ءوتتى.
ەكسپوزيتسيالىق كورمەدە ارابتىڭ كوركەم ءس ۇلىس, ناسح, فارسي, ديۋاني جازۋ ستيلدەرىمەن قۇران سۇرەلەرى, ليگاتۋرالار, كوركەم سوزدەر مەن ماقالدار بەرىلدى.
كورمە تۋىندىلارىنىڭ اۆتورى اسىلبەك بايۇزاق ۇلى زامانىمىزدىڭ تانىمال مىسىرلىق جانە تۇرىك كالليگرافيا ۇستالارى حاسان چەليابي, فەرحات كۋرلۋ, مۋمتاز دۋردۋ, احماد فارەس, ابدۋللا وسماننىڭ شاكىرتى. نۇرسۇلتان, الماتى, ماسكەۋ, ستامبۋل قالالارىندا پەرسونالدى كالليگرافيا كورمەسىن وتكىزگەن. شەبەرلىك-دارىسكە رمك «عىلىم ورداسى» قىزمەتكەرلەرى, كالليگرافيا ونەرىنە قىزىعۋشىلىق تانىتقان قالا تۇرعىندارى مەن قوناقتارى قاتىستى. اسىلبەك بايۇزاق ۇلى كورمەدەن ورىن العان تۋىندىلاردىڭ جاسالۋ تەحنيكاسىن, قىسقاشا مازمۇنىن, تۇسىنىكتەمەسىن ايتىپ, تانىستىرىپ ءوتتى.
شەبەرلىك-ءدارىس بارىسىندا كالليگرافيا سالاسىنىڭ تاريحىنان سىر شەرتىپ, اراب كالليگرافياسىندا قولدانىلىپ كەلە جاتقان جازۋ ستيلدەرىمەن, ورتا عاسىردا قولدانىلعان سيانىڭ جاسالۋ تەحنيكاسىمەن, بامبۋك قالامدارمەن كالليگرافيالىق تۋىندىلاردى جازۋدى ۇيرەتتى. شەبەرلىك-ءدارىس سوڭىندا قاتىسۋشىلارعا سەرتيفيكاتتار تابىستالدى. «يسلام كالليگرافياسىنىڭ فيلوسوفياسى» كوشپەلى كورمەسىن 20 اقپانعا دەيىن سيرەك كەزدەسەتىن كىتاپتار مۋزەيىندە تاماشالاۋعا بولادى.
الماتى