بەلگىلى ءانشى ديماش قۇدايبەرگەن ەۋروۆيدەنيە بايقاۋىنا رەسەي اتىنان قاتىسۋدان باس تارتتى. بۇل تۋرالى ءانشى Instagram پاراقشاسىندا جاريالادى.
جىلدىڭ باستى وقيعاسى بولىپ تابىلاتىن ەۋروۆيدەنيە بايقاۋىنا ديماش قۇدايبەرگەن تەك قوناق رەتىندە قاتىساتىنى جايلى مالىمدەدى.
- «قۇرمەتتى دوستار, ەۋروۆيدەنيە بايقاۋىنا رەسەي اتىنان قاتىسۋ تۋرالى كوپتەگەن حات كەلىپ ءتۇسىپ جاتىر. بۇل بايقاۋعا مەن تەك قوناق رەتىندە شاقىرسا عانا قاتىسۋىم مۇمكىن. قاتىسۋشى رەتىندە بايقاۋعا قاتىسپايمىن جانە كەرەك دەپ سانامايمىن. اسا قۇرمەتپەن جانكۇيەرلەرىمە ايتارىم, حالىقارالىق ارەنادا مەن تەك قانا ءبىر ەلدىڭ اتىنان شىعا الامىن, ول - مەنىڭ وتانىم قازاقستان! قولداۋلارىڭىز بەن ىستىق ىقىلاستارىڭىزعا راقمەت. مەنىڭ «ارناۋ» اتتى جەكە كونتسەرتتىك تۋرنەمدە كەزدەسكەنشە!» - دەدى ديماش قۇدايبەرگەن.