بىرىككەن اراب امىرلىكتەرى اۋماعىندا يراننىڭ جاۋاپ سوققىلارى سالدارىنان 6 ادام قازا تاۋىپ, تاعى 122 ادام ءارتۇرلى دارەجەدە جاراقات الدى, دەپ حابارلايدى Egemen.kz.
جارالانعانداردىڭ اراسىندا مىسىر, سۋدان, يران جانە تۇركيا ازاماتتارى بار. بۇل تۋرالى امىرلىكتەردىڭ قورعانىس مينيسترلىگى مالىمدەدى.
مينيسترلىك دەرەگىنشە, قاقتىعىس باستالعالى اۋە قورعانىس جۇيەلەرى 262 بالليستيكالىق زىمىراندى انىقتاعان. ولاردىڭ باسىم بولىگى اۋەدە جويىلعان. 19 سنارياد تەڭىزگە قۇلاعان, ال 2 زىمىران عانا ەل اۋماعىنا جەتكەن.
سونىمەن قاتار 1500-گە جۋىق يراندىق ۇشقىشسىز ۇشۋ اپپاراتى تىركەلگەن. ونىڭ 90-ى ەل اۋماعىنا قۇلاعانى حابارلاندى.
ايتا كەتەيىك, ەۆاكۋاتسيا جۇمىستارى باستالعالى بەرى تاياۋ شىعىس ەلدەرىنەن 8585 قازاقستان ازاماتى ەلگە قايتارىلعان.