ەلوردادا اۋا رايىنىڭ قولايسىزدىعىنا بايلانىستى وقۋشىلار ونلاين فورماتقا كوشىرىلدى. بۇل تۋرالى قالالىق ءبىلىم باسقارماسىنىڭ ءباسپاسوز قىزمەتى حابارلادى, دەپ جازادى Egemen.kz.
«اۋا رايىنىڭ ناشارلاۋىنا بايلانىستى (جەلدىڭ كۇشەيۋى جانە اۋا تەمپەراتۋراسىنىڭ تومەندەۋى) 11 ناۋرىز كۇنى 0-11 (12) سىنىپ وقۋشىلارى مەن كوللەدجدەردىڭ 1-2 كۋرس ستۋدەنتتەرى (9-سىنىپ بازاسىندا) ءبىرىنشى اۋىسىمدا قاشىقتان وقيدى», دەلىنگەن حابارلامادا.
ايتا كەتەيىك, بۇگىن قاتتى جەلگە بايلانىستى ەكىنشى اۋىسىمداعى 0-8 سىنىپ وقۋشىلارى دا قاشىقتان وقىدى.
«قازگيدرومەت» مالىمەتىنشە, 11 ناۋرىز كۇنى استانادا قۇبىلمالى بۇلتتى اۋا رايى كۇتىلەدى, قار جاۋادى. جەلدىڭ جىلدامدىعى سەكۋندىنا 9-14 مەتر, كەي جەرلەردە ەكپىنى 15-20 مەترگە, كەيدە 30 مەترگە دەيىن جەتۋى مۇمكىن. تۇندە اۋا تەمپەراتۋراسى –27...–29°C, كۇندىز –13...–15°C بولادى.