قاراعاندىدا تۇراتىن 61 جاستاعى ايەل ءوزىن ەلەكتريچكا دەپ اتالاتىن پويىزدىڭ استىنا تاستاپ, وپات بولدى. بۇل تۋرالى «كريمينالنىە نوۆوستي» حابارلادى.
قايعىلى وقيعا مايقۇدىق-جاڭا قاراعاندى ارالىعىنداعى «ۆوستوك-3» شاعىن اۋدانىندا ورىن الدى. بۇعان وپات بولۋشىنىڭ جۇيكە ناۋقاسىنا شالدىعۋى سەبەپ بولعان سياقتى. ول بۇعان دەيىن دە بىرنەشە رەت ءوزىن-ءوزى ولتىرمەك بولىپ, ارەكەت جاساعان. وسىنى بىلگەن بالالارى مارقۇمدى ارانيى ورىنداردا ەمدەتىپتى. ودان جاقسى ساۋىعىپ تا شىقسا كەرەك. ەندى, مىنە, ءبارى ارتتا قالدى دەپ جۇرگەندە, كەنەتتەن...
قاراعاندى-استانا ەلەكتر پويىزىنىڭ ءماشينيسى ءوز تۇسىنىكتەمەسىندە دازعانداي, ايەل الدىندا پەرروندا تۇرعان, سوسىن پويىز 200 مەتردەي جەرگە كەلىپ قالعاندا, رەلستەردىڭ ورتاسىنا بارىپ تۇرا قالعان. بۇل كەزدە پويىزدى توقتاتۋ مۇمكىن ەمەس ەدى. ولاي بولعان كۇندە, ونىڭ سوستاۆىنداعى ۆاگوندار ءبىرىنىڭ ۇستىنە ءبىرى ءمىنىپ شىعا كەلەدى.
پوليتسيا قىزمەتكەرلەرىنىڭ ايتۋلارىنشا, وسى وقيعانىڭ سالدارىنان ولارعا بۇرىن-سوڭدى بولماعان ەڭ ءبىر قولايسىز جۇمىستاردى اتقارۋعا تۋرا كەلگەن.
«بۇعان دەيىن تالاي نارسەنى كورىپ ەدىك. كەسىلىپ كەتكەن قولدى دا, ج ۇلىنىپ قالعان اياقتى دا, ءتىپتى ۇشىپ تۇسكەن باستى دا كورگەنبىز. ال ءدال مىناداي بولىپ, باۋىرى ءبىر جاقتا, جۇرەگى ءبىر جاقتا, ىشەك-قارنى ءبىر جاقتا قالعان دەنەنى جان-جاقتان جيناپ الىپ جاتقان كورىنىستى ءبىرىنشى رەت كوردىك, - دەيدى جەلىلىك پوليتسيانىڭ تەرگەۋشىسى قايرات ساتتىباەۆ. – مۇندايدى كورۋ ەندى ەشكىمنىڭ دە ماڭدايىنا جازباسىن.
مۇرات ايتقوجا.