پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا «تسيفرلىق قازاقستان» مەملەكەتتىك باعدارلاماسىن ىسكە اسىرۋ بارىسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ 2019 جىلى «تسيفرلىق قازاقستان» مەملەكەتتىك باعدارلاماسىن ىسكە اسىرۋعا 18,7 ملرد تەڭگە بولىنگەنىن, ول تولىعىمەن يگەرىلگەنىن مالىمدەدى.
2018-2019 جىلدارى تسيفرلاندىرۋ بويىنشا جۇزەگە اسىرىلعان ءىس-شارالار 802,5 ملرد تەڭگە كولەمىندە ەكونوميكالىق تيىمدىلىك اكەلدى, يننوۆاتسيالىق ەكوجۇيەگە 32,8 ملرد تەڭگە تارتىلدى جانە ىرگەلەس سالالاردى ەسكەرە وتىرىپ, 120 مىڭ جۇمىس ورنى قۇرىلدى.
«ەلباسى نۇرسۇلتان ءابىش ۇلى نازارباەۆ پەن مەملەكەت باسشىسى قاسىم-جومارت كەمەل ۇلى توقاەۆ تسيفرلاندىرۋعا ەرەكشە كوڭىل بولەدى. ۇكىمەتتىڭ كەڭەيتىلگەن وتىرىسىندا مەملەكەت باسشىسى تسيفرلاندىرۋ سالاسىنداعى جۇمىستىڭ ماڭىزدىلىعىن اتاپ ءوتىپ, بۇل باعىتتى ناقتى تۇپكىلىكتى ناتيجەگە قول جەتكىزۋمەن جەدەلدەتۋدى تاپسىردى», دەدى ا. مامين.
پرەمەر-مينيستر 2019 جىلى مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ جوسپارىنىڭ ورىندالماۋىنا ىشكى ىستەر, دەنساۋلىق ساقتاۋ, يندۋستريا, ۇلتتىق ەكونوميكا جانە قورعانىس مينيسترلىكتەرى جول بەرگەنىن اتاپ ءوتتى.
«بۇل جۇمىستى ەرەكشە باقىلاۋعا الىپ, ونى 1 ناۋرىزعا دەيىن اياقتاۋ قاجەت. بارلىق مەملەكەتتىك ورگانداردىڭ باسشىلارى اقپاراتتىق جۇيەلەردىڭ ۋاقىتىلى بىرىگۋى مەن ولاردىڭ ۇزدىكسىز جۇمىس ىستەۋى ءۇشىن دەربەس جاۋاپتى ورىنباساردى بەكىتۋى ءتيىس» دەدى ا. مامين.
پرەمەر-مينيستر بيىل مەملەكەتتىك قىزمەتتەردى اۆتوماتتاندىرۋدىڭ 90% دەڭگەيىنە جەتۋدى تاپسىردى. مەملەكەتتىك ورگاندار قىسقا مەرزىم ىشىندە مەملەكەتتىك قىزمەتتەر تىزىلىمىنە قاجەتتى وزگەرىستەردى, ونىڭ ىشىندە 20 مەملەكەتتىك قولداۋ شارالارى بويىنشا وزگەرىستەردى پىسىقتاپ, ەنگىزۋى قاجەت.
ۇكىمەت باسشىسى حالىقتى جوعارى جىلدامدىقتى ينتەرنەتپەن قامتاماسىز ەتۋ جۇمىسىنىڭ ۇزاققا سوزىلىپ كەتكەنىن اتاپ ءوتتى.
Nur Otan پارتياسىنىڭ 250 ادامنان اساتىن حالقى بار ەلدى مەكەندەردى جوعارى جىلدامدىقتى ينتەرنەتپەن قامتاماسىز ەتۋ جونىندەگى سايلاۋالدى باعدارلاماسىنىڭ ءىس-شارالارىن ىسكە اسىرۋ اياسىندا بايلانىس وپەراتورلارىمەن جۇمىس كەستەسى ءالى كۇنگە دەيىن بەكىتىلمەگەن. پارتيا وكىلدەرى مەن پارلامەنت دەپۋتاتتارى تاراپىنان بۇل ماسەلە بويىنشا سىن دا ايتىلدى», دەپ ا. مامين, اتالعان ماسەلەنى ءبىر اپتا مەرزىم ىشىندە شەشۋدى تاپسىردى.
پرەمەر-مينيستر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە ءبىلىم جانە عىلىم مينيسترلىگىمەن بىرلەسىپ, ۇزدىك حالىقارالىق تاجىريبەلەردى پايدالانا وتىرىپ, اT-ماماندارىن ساپالى دايارلاۋ جونىندەگى جۇمىستى جانداندىرۋدى تاپسىردى.