2013 جىلعى 27 مامىر, الماتى قالاسى
2006 جىلعى ۇلگىدەگى جانە 2012 جىلعى ۇلگىدەگى نومينالى 2 000 تەڭگەلىك بانكنوتتاردىڭ قاتار اينالىستا بولۋ كەزەڭىن بەلگىلەۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس جانە ۇلتتىق ۆاليۋتا اقشا بەلگىلەرىنىڭ ديزاينى (نىسانى) وزگەرگەن كەزدە ولاردى اينالىستان الۋ جونىندە وڭتايلى جۇمىسقا قول جەتكىزۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:1. 2006 جىلعى ۇلگىدەگى (بۇدان ءارى – ەسكى ۇلگىدەگى اقشا بەلگىسى) جانە 2012 جىلعى ۇلگىدەگى (بۇدان ءارى – جاڭا ۇلگىدەگى اقشا بەلگىسى) نومينالى 2 000 تەڭگەلىك بانكنوتتاردىڭ قاتار اينالىستا بولۋ كەزەڭى 2013 جىلعى 29 ناۋرىز – 2015 جىلعى 28 ناۋرىز ارالىعى بولىپ بەلگىلەنسىن.2. ەسكى جانە جاڭا ۇلگىلەردەگى اقشا بەلگىلەرىنىڭ قاتار اينالىستا بولۋ كەزەڭىندە:1) ەكىنشى دەڭگەيدەگى بانكتەر جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار:ەسكى جانە جاڭا ۇلگىلەردەگى اقشا بەلگىلەرىن جەكە جانە زاڭدى تۇلعالارعا ءوز كاسسالارىنان, سونداي-اق بانكوماتتار ارقىلى بەرۋدى جۇزەگە اسىرادى;وپەراتسيالىق كاسساعا كەلىپ تۇسەتىن ەسكى جانە جاڭا ۇلگىلەردەگى اقشا بەلگىلەرىن قازاقستان رەسپۋبليكاسىنىڭ ۇلتتىق بانكى باسقارماسىنىڭ «بانكتەردە جانە بانك وپەراتسيالارىنىڭ جەكەلەگەن تۇرلەرiن جۇزەگە اسىراتىن ۇيىمداردا كاسسالىق وپەراتسيالاردى جانە بانكنوتتاردى, مونەتالاردى جانە قۇندىلىقتاردى ينكاسساتسيالاۋ بويىنشا وپەراتسيالاردى جۇرگىزۋ قاعيدالارىن بەكىتۋ تۋرالى» 2001 جىلعى 3 ناۋرىزداعى № 58 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1482 تىركەلگەن) سايكەس قازاقستان رەسپۋبليكاسى ۇلتتىق بانكىنىڭ (بۇدان ءارى – ۇلتتىق بانك) فيليالدارىنا تاپسىرادى;2) ۇلتتىق بانكتىڭ فيليالدارى:ەسكى جانە جاڭا ۇلگىلەردەگى اقشا بەلگىلەرىن جەكە جانە زاڭدى تۇلعالارعا اينالىم كاسسالارىنان بەرۋدى جۇزەگە اسىرادى;زاڭدى تۇلعالاردان ەسكى جانە جاڭا ۇلگىلەردەگى اقشا بەلگىلەرىن قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىندە جەكە جانە زاڭدى تۇلعالارمەن كاسسالىق وپەراتسيالار جۇرگىزۋ قاعيدالارىن بەكىتۋ تۋرالى» 2003 جىلعى 26 جەلتوقسانداعى № 467 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2685 تىركەلگەن) سايكەس كەيىننەن ەكىنشى دەڭگەيدەگى بانكتەردىڭ ءتيىستى كوررەسپوندەنتتىك شوتتارىنا قولما-قول ەمەس بالاماسىن اۋدارا وتىرىپ شەكتەۋسىز قابىلدايدى.3. قازاقستان رەسپۋبليكاسىنىڭ ۇلتتىق بانكى باسقارماسىنىڭ «2006 جىلعى ۇلگىدەگى جانە 2012 جىلعى ۇلگىدەگى نومينالى 2 000 تەڭگەلىك بانكنوتتاردىڭ قاتار اينالىستا بولۋ كەزەڭىن بەلگىلەۋ تۋرالى» 2012 جىلعى 4 شىلدەدەگى № 201 قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7850 تىركەلگەن, 2013 جىلعى 30 ناۋرىزدا «ەگەمەن قازاقستان» گازەتىندە № 96 (28035) جاريالانعان) كۇشى جويىلدى دەپ تانىلسىن.4. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ۇلتتىق بانك توراعاسى گ.مارچەنكو.
قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 5 شىلدەدە №8562 بولىپ تىركەلگەن.