2013 جىلعى 11 ماۋسىم, استانا, ۇكىمەت ءۇيى
«جانۋارلاردىڭ سانىن رەتتەۋ قاعيدالارىن بەكىتۋ تۋرالى»
قازاقستان رەسپۋبليكاسى ۇكىمەتىنىڭ 2012 جىلعى 1 اقپانداعى №186 قاۋلىسىنا وزگەرىستەر ەنگىزۋ تۋرالى»
قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جانۋارلاردىڭ سانىن رەتتەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 1 اقپانداعى №186 قاۋلىسىنا (قازاقستان رەسپۋبليكاسىنىڭ ءپۇاج-ى, 2012ج., №31, 410-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن جانۋارلاردىڭ سانىن رەتتەۋ قاعيدالارىندا: 3, 4-تارماقتار مىناداي رەداكتسيادا جازىلسىن: «3. رەسپۋبليكا اۋماعىندا جانۋارلاردىڭ سانىن رەتتەۋ ءۇشىن قازاقستان رەسپۋبليكاسى قورشاعان ورتانى قورعاۋ مينيسترلىگى ورمان جانە اڭشىلىق شارۋاشىلىعى كوميتەتىنىڭ (بۇدان ءارى – ورمان جانە اڭشىلىق شارۋاشىلىعى كوميتەتى) بۇيرىعىمەن, ال بەلگىلى ءبىر وبلىستىڭ اۋماعىندا – ونىڭ اۋماقتىق بولىمشەلەرىنىڭ بۇيرىقتارىمەن, بالىق رەسۋرستارىن جانە باسقا دا سۋ جانۋارلارىنىڭ تۇرلەرىن قوسپاعاندا, جانۋارلار سانىن رەتتەۋ جونىندە كوميسسيا قۇرىلادى. 4. بالىقتىڭ جانە وزگە دە سۋ جانۋارلارى تۇرلەرىنىڭ سانىن رەتتەۋ ءۇشىن قازاقستان رەسپۋبليكاسى قورشاعان ورتانى قورعاۋ مينيسترلىگى بالىق شارۋاشىلىعى كوميتەتىنىڭ اۋماقتىق بولىمشەلەرىنىڭ (بۇدان ءارى – بالىق شارۋاشىلىعى كوميتەتىنىڭ اۋماقتىق بولىمشەلەرى) بۇيرىقتارىمەن بالىق رەسۋرستارىن جانە باسقا دا سۋ جانۋارلارى تۇرلەرىنىڭ سانىن رەتتەۋ جونىندەگى كوميسسيالار قۇرىلادى.»; 5-تارماقتىڭ ءبىرىنشى بولىگى مىناداي رەداكتسيادا جازىلسىن: «5. كورسەتىلگەن كوميسسيالاردىڭ قۇرامىنا ءتيىستى كوميتەتتىڭ نەمەسە ونىڭ اۋماقتىق بولىمشەسىنىڭ, جەرگىلىكتى اتقارۋشى ورگانداردىڭ, ەكولوگيالىق رەتتەۋ جانە باقىلاۋ, ۆەتەريناريالىق-سانيتارلىق باقىلاۋ جانە قاداعالاۋ سالاسىنداعى مەملەكەتتىك ورگانداردىڭ, سونداي-اق وزگە دە مەملەكەتتىك ورگانداردىڭ (كوميسسيانى جيناۋ نەگىزىنە بايلانىستى) وكىلدەرى كىرەدى.»; 7-تارماقتىڭ 1) تارماقشاسى مىناداي رەداكتسيادا جازىلسىن: «1) جەكە جانە زاڭدى تۇلعالار, ەكولوگيالىق رەتتەۋ جانە باقىلاۋ, ۆەتەريناريالىق-سانيتاريالىق باقىلاۋ جانە قاداعالاۋ مەملەكەتتىك ورگاندارى, جەرگىلىكتى وكىلدى, اتقارۋشى جانە وزگە دە مەملەكەتتىك ورگاندار جازباشا ءوتىنىش جاساعان جاعدايلاردا;». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.