جۋىردا وبلىس ورتالىعىنداعى جۇكتى انالار مەن سالماقتارى از نارەستەلەر ەمدەلەتىن №1 پەريناتالدىق ورتالىق جاڭا مەديتسينالىق قۇرال-جابدىقتارمەن تولىقتى. جالپى قۇنى 18 ميلليون تەڭگە تۇراتىن بۇل زاماناۋي مەديتسينالىق قۇرال-جابدىقتاردى «تىنىس ال, بالاقاي!» جوباسى اياسىندا «ايالا» قايىرىمدىلىق قورى سىيعا تارتتى. ءسويتىپ, ەلىمىزدىڭ دەنساۋلىق ساقتاۋ مينيسترلىگى مەن «ايالا» قايىرىمدىلىق قورى اراسىنداعى جاسالعان ءوزارا ىنتىماقتاستىق تۋرالى مەموراندۋمعا سايكەس, وبلىستىق پەريناتالدىق ورتالىقتىڭ جانساقتاۋ بولىمىنە 27 قوندىرعى ورناتىلدى.
جۋىردا وبلىس ورتالىعىنداعى جۇكتى انالار مەن سالماقتارى از نارەستەلەر ەمدەلەتىن №1 پەريناتالدىق ورتالىق جاڭا مەديتسينالىق قۇرال-جابدىقتارمەن تولىقتى. جالپى قۇنى 18 ميلليون تەڭگە تۇراتىن بۇل زاماناۋي مەديتسينالىق قۇرال-جابدىقتاردى «تىنىس ال, بالاقاي!» جوباسى اياسىندا «ايالا» قايىرىمدىلىق قورى سىيعا تارتتى. ءسويتىپ, ەلىمىزدىڭ دەنساۋلىق ساقتاۋ مينيسترلىگى مەن «ايالا» قايىرىمدىلىق قورى اراسىنداعى جاسالعان ءوزارا ىنتىماقتاستىق تۋرالى مەموراندۋمعا سايكەس, وبلىستىق پەريناتالدىق ورتالىقتىڭ جانساقتاۋ بولىمىنە 27 قوندىرعى ورناتىلدى.
بۇل قادامنىڭ انا مەن بالا ءولىمىنىڭ ازايۋىنا, دەنساۋلىقتارىنىڭ جاقسارۋىنا اسەر ەتەرى ءسوزسىز.
وبلىستىق دەنساۋلىق ساقتاۋ باسقارماسىنىڭ حابارىنا قاراعاندا, وبلىستا انا مەن بالا ءولىمى كورسەتكىشى تومەندەگەن. بىراق, وكىنىشكە قاراي, سالماعى از بولىپ تۋاتىن بالالاردىڭ سانى جىل سايىن كوبەيىپ كەلەدى. سوندىقتان بۇل جابدىقتار ورتالىق ءۇشىن اسا قاجەت كورىنەدى. ال, «ايالا» قايىرىمدىلىق قورىنىڭ ۆيتسە-پرەزيدەنتى جانگەلدى سارسەنوۆتىڭ ايتۋىنشا, حالىق كوپ جۇرەتىن قوعامدىق ورىنداردا «تىنىس ال, بالاقاي!» دەگەن جازۋى بار ارنايى جاشىكتەر ورناتىلىپتى. جينالعان قارجىعا مەديتسينالىق قۇرالدار ساتىپ الىنادى. بوبەكتەرگە, انالارعا قولۇشىن بەرەمىن دەۋشىلەرگە وسىنداي مۇمكىندىك جاسالىپتى.
فاريدا بىقاي,
«ەگەمەن قازاقستان».
پاۆلودار وبلىسى.