كوپ جىل ۇستاز بولعان شاريپا اپاي زەينەتكە شىقسا دا كىتاپحانا مەن اۋداندىق رەداكتسيادان بايلانىسىن ۇزبەي كەلەدى. ءار كەزدە گازەت ۇجىمىنا كەلىپ, وتكەن تاريح تۋرالى جاقسى ءمالىمەتتەر بەرەدى. جاقىندا ول كىسى ۇيلەرىندە ارعى اتاسىنان مۇرا بولىپ قالعان قاسيەتتى قۇران مەن تاسپيحتىڭ بار ەكەنىن اڭگىمەلەدى.
كوپ جىل ۇستاز بولعان شاريپا اپاي زەينەتكە شىقسا دا كىتاپحانا مەن اۋداندىق رەداكتسيادان بايلانىسىن ۇزبەي كەلەدى. ءار كەزدە گازەت ۇجىمىنا كەلىپ, وتكەن تاريح تۋرالى جاقسى ءمالىمەتتەر بەرەدى. جاقىندا ول كىسى ۇيلەرىندە ارعى اتاسىنان مۇرا بولىپ قالعان قاسيەتتى قۇران مەن تاسپيحتىڭ بار ەكەنىن اڭگىمەلەدى.
سول قۇندى جادىگەردى كورۋ ماقساتىندا اپايدىڭ شاڭىراعىنا ادەيى باس سۇقتىق. ءۇي يەسى قۇراندى قاستەرلەي ۇستاپ وتىرىپ بىلاي دەدى:
– مەنىڭ وتاعاسىم يساتايدىڭ اكەسى يبراگيم مۇلقاشەۆ 1890 جىلى دۇنيەگە كەلگەن. سوناۋ كەڭەس وكىمەتىنىڭ العاشقى ورناعان كەزەڭىندە قازتالوۆ ءوڭىرىنىڭ مەكتەپتەرىندە بالا وقىتقان. اتامىز ەسكىشە وقۋعا دا ساۋاتتى بولعان ەكەن. مىنا قۇران مەن تاسپيح يبراگيم اتامىزعا اكەسىنەن قالعان كورىنەدى. سوندا قانشا جىل وتكەنىن ەسەپتەي بەرىڭىز. اتامىزدىڭ ءوزى ۇستاز بولا تۇرا, ءارى كەڭەس وكىمەتى تۇسىندا قىزمەت جاساسا دا قۇران مەن تاسپيحتى قاستەرلەپ ۇستاعان. قازىرگى كۇندە بۇل قۇندى دۇنيەلەر ءبىزدىڭ اۋلەتىمىزدىڭ ەڭ قاستەرلى مۇراسى بولىپ وتىر, – دەپ اياقتادى شاريپا اپاي ءوز اڭگىمەسىن.
ءبىز 200 جىلعا جاقىنداپ قالعان قۇندى دۇنيەنى ايالاي سيپاپ, ءۇي يەسىمەن جىلى قوشتاستىق.
گۇلفيا كوشباەۆا.
باتىس قازاقستان وبلىسى,
قازتالوۆ اۋدانى.