75 ميلليون 300 مىڭ تەڭگە جانە 272 مىڭ اقش دوللارى كولەمىندە پارا العان ۇلتتىق كومپانيا باسشىسى قاماۋعا الىندى
75 ميلليون 300 مىڭ تەڭگە جانە 272 مىڭ اقش دوللارى كولەمىندە پارا العان ۇلتتىق كومپانيا باسشىسى قاماۋعا الىندىقارجى پوليتسياسىنىڭ قىزمەتكەرلەرى اسا ءىرى كولەمدە پارا العانى ءۇشىن «قازاقستان عارىش ساپارى» ۇلتتىق كومپانياسىنىڭ پرەزيدەنتىن قاماۋعا الدى. بۇل تۋرالى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ءباسپاسوز قىزمەتى حابارلادى.«2013 جىلعى 1 تامىزدا قارجى پوليتسياسى اگەنتتىگىنىڭ قىزمەتكەرلەرى اسا ءىرى كولەمدە پارا الدى دەگەن كۇدىكپەن «قازاقستان عارىش ساپارى» ۇلتتىق كومپانياسى» اق پرەزيدەنتى ع.مىرزاقۇلوۆتى ۇستادى», دەلىنگەن پاراقشادا.ۇستالعان تۇلعاعا جالپى قۇنى 15 ملرد. تەڭگەدەن اساتىن عارىش تەحنيكاسىنىڭ ارنايى كونسترۋكتورلىق-تەحنولوگيالىق بيۋروسىن قۇراستىرۋ-سىناۋ كەشەنىنىڭ قۇرىلىس جۇمىستارىن ساتىپ الۋ كونكۋرسىندا «قۇلاگەر» قۇرىلىس كومپانياسى» جشس مۇددەلەرىنە ارەكەت ەتىپ, سول ءۇشىن اتالعان كاسىپورىننىڭ باسقارما توراعاسى ت.ەگەنباەۆتان سەنىمدى ادامى ە.اسىلبەكوۆ ارقىلى 272 مىڭ اقش دوللارى جانە 75 ملن. 300 مىڭ تەڭگە كولەمىندە پارا الدى دەگەن ايىپ تاعىلىپ وتىر.قازىر «قۇلاگەر» قك» جشس باسشىسى ت.ەگەنباەۆ پەن «سۇڭقار كۇزەت» جشس ديرەكتورى ە.اسىلبەكوۆ تە ۇستالدى. ەگەنباەۆ اسا ءىرى كولەمدە پارا بەردى دەپ, ال اسىلبەكوۆ پارا الۋعا كومەكتەستى دەپ ايىپتالىپ وتىر. «3 تامىزدا مىرزاقۇلوۆ پەن اسىلبەكوۆ سوت سانكتسياسىمەن قاماۋعا, ەگەنباەۆ – ءۇي قاماۋىنا الىندى», دەپ حابارلايدى اگەنتتىكتىڭ ءباسپاسوز قىزمەتى. قازىر اتالمىش قىلمىستىق ءىس تەرگەلۋ ۇستىندە. بۇدان باسقا اقپارات تەرگەۋ مۇددەسىنە وراي جاريالانباي وتىر.
قۇرىش نۇرىمبەت.