اقپاننىڭ 7-8 كۇندەرى بەلگيانىڭ كورترەيك قالاسىندا تەننيستەن فەدەراتسيا كۋبوگىنىڭ ىرىكتەۋ ءتۋرنيرى وتەدى. بۇل سىندا قازاقستان قۇراماسى جارىس قوجايىندارىمەن كۇش سىناسىپ, فينالدىق كەزەڭگە جولداما الۋعا تىرىسادى.
تەننيستەن قازاقستان قۇراماسىنىڭ كاپيتانى دياس دوسقاراەۆ فەدەراتسيا كۋبوگى اياسىندا بەلگيا تەننيسشىلەرىنە قارسى كورتقا شىعاتىن قىزدار قۇراماسىنىڭ ءتىزىمىن جاريالادى. ولار: يۋليا پۋتينتسەۆا, زارينا دياس, اننا دانيلينا جانە ياروسلاۆا شۆەدوۆا. يا.شۆەدوۆا بۇرناعى جىلى انا اتانىپ, بىلتىر ۇلكەن كورتقا قايتا ورالعان بولاتىن.