قايىرىمدى قالادان – قايىرىمدى قوعامعا

ايتۋلى شاراعا دۇنيە جۇزىندە ءال-ءفارابيدىڭ اتىن يەلەنىپ وتىرعان جالعىز ۋنيۆەرسيتەت – ءال-فارابي اتىنداعى قازاق ۇلتتىق ۋنيۆەرسيتەتى ۇيىتقى بولدى. سونىمەن قاتار قازاق ۇلتتىق ۋنيۆەرسيتەتىندە ءال-ءفارابيدىڭ 1150 جىلدىق مەرەيتويىنىڭ باستالۋىنا وراي ءال-فارابي ورتالىعى-كىتاپحاناسى  اشىلدى. 

Cالتاناتتى جيىندا مەم­لەكەت­تىك حاتشى قىرىمبەك كوشەر­باەۆ عۇلاما عالىم كەزىندە جاۋاپ بەرۋگە تىرىسقان – قايىرىمدى قوعام, باقىت, ادامنىڭ جەتىلۋى تۋرا­لى ماسەلەلەر قازىرگى زامان ءۇشىن دە اسا وزەكتى ەكەنىن تاراتا وتىرىپ, بيىل ۇكىمەتتىڭ, يۋنەسكو, تۇركسوي جانە يسەسكو حالىقارالىق ۇيىمدا­رى­نىڭ قولداۋىمەن ءتۇرلى ەلدەر­دىڭ عالىمدارى نۇر-سۇلتان قالا­سىندا, ءال-ءفارابيدىڭ وتانى – تۇركىستان وبلىسىندا  جانە پاريجدە وتەتىن ءىرى حالىقارالىق كونفەرەنتسيالاردا باس قوسىپ, ۇلى ويشىلدىڭ مۇراسى جونىندە وي بولىسەتىنىن ايتتى.

«عىلىمي-ساراپتامالىق ءىس-شارا­لار سونداي-اق تۇركيا, يوردانيا, يتاليا, قىتاي, مىسىر, بولگاريا جانە باسقا دا ەلدەردە وتەدى.

بۇگىندە  الەمنىڭ  جەتەكشى  ۋنيۆەر­سيتەتتەرىندە 12 ورتالىق, ال ىس­تانبۇل مەن دەليدە ءال-فارابي اتىنداعى قازاق ۇلتتىق ۋنيۆەر­سيتەتى اشقان مۇراجاي-ۇيلەر بار. كەلەشەكتە كونفۋتسي ينستيتۋتتارى نەمەسە گەتە ينستيتۋتتارىنىڭ عالامدىق جەلىلەرى  سەكىلدى ءال-فارابي  ورتالىقتارى دا  كەڭەيە بەرمەك. جاقىندا ء«ال-فارابي ىزىمەن» اتتى  عىلىمي ەكسپەديتسيا جۇمىسىن باستايدى. بارلىق ءىس-شارا عىلىمعا  جانە  ءبىلىمنىڭ  دامۋىنا  لايىقتى ىقپال ەتەدى دەپ سەنەمىز», دەدى مەملەكەتتىك حاتشى.

مەملەكەتتىك حاتشى مالىم­دە­گەن­دەي, ءال-فارابي اتىنداعى قازاق  ۇلتتىق ۋنيۆەرسيتەتىندە الەمدىك تالاپتارعا ساي ءال-فارابي عى­لىمي-تەحنولوگيالىق القابى قۇ­رىلماق. يسلام ىنتىماقتاستىعى ۇيىمىنىڭ قولداۋىمەن جۇزەگە اساتىن بۇل جوبا وزىق تەحنولوگيالار مەن يننوۆاتسيالاردى دامىتۋ ورتالىعىنا اينالادى دەپ جوس­پارلانىپ وتىر.

قىرىمبەك كوشەرباەۆ ءال-ءفا­­را­بيدىڭ قايىرىمدى  قوعام تۋ­رالى يدەيالارىنا  نەگىزدەل­گەن تاعى ءبىر جاڭا جوبانى اتاي كەلە, بۇل باستامالار جاستاردىڭ  رۋحاني-ادامگەرشىلىك قاسيەتىن قالىپتاستىرۋعا باعىت­تالاتى­نىنا توقتالدى.

– ءال-ءفارابيدىڭ وتانى  وتى­رار  – قازاقستاننىڭ عانا ەمەس, بۇكىل ورتالىق ازيانىڭ كيەلى مەكەنى. بۇگىندە وبلىس  ورتالىعى مارتەبەسىنە  يە  بولعان تۇركىستان ايماعى كۇللى تۇركى الەمىنىڭ  مادەني-رۋحاني ورتالىعى رەتىندە دامىپ كەلەدى. 1150 جىلدىقتى مەرەكەلەۋ اياسىندا تۇركىستان  وبلىسىندا ءال-فارابي مۇراسىن قايتا جاڭعىرتۋ جانە وتىرار  قالاسىن  تۋريستىك  كلاستەر رەتىندە قايتا قالپىنا كەلتىرۋگە ارنالعان ءىس-شارالار جۇزەگە اساتىن  بولادى.  داماسك قالاسىنداعى ءال-فارابي مادەني-تاريحي ورتالىعى مەن مۋزەي-ءۇيىن جەتىلدىرۋ ماسەلەسى قولعا الىنادى. سول ورتالىقتىڭ  نەگىزىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ  فيليالى  قۇرىلادى. فيليالدىڭ  قىزمەتى الەمدىك قاۋىمداستىقتا ەل  مۇددەسىن العا قويىپ, بەدەلىن ارتتىرۋعا سەپتەسەدى.

مەرەيتوي اياسىندا دانا ويشىلدىڭ  ەڭبەكتەرىن اۋدارۋ, ءال-فارابي ەنتسيكلوپەدياسىن شىعارۋ, عۇلاما عالىم تۋرالى دەرەكتى فيلم جانە ومىرباياندىق سەريال ءتۇسىرۋ, تەاترلاردا ش.قۇسايىنوۆتىڭ  ء«ال-فارابي» تاريحي دراماسىن قويۋ, تاعى باسقا شارالار قاراستىرىلعان, – دەدى قىرىمبەك ەلەۋ ۇلى.

مەملەكەتتىك حاتشى ءال-ءفارابي­دىڭ 1150 جىلدى­عىن مەرەكەلەۋ بارى­سىندا تومەندەگىدەي مىندەت­تەردى جۇزە­گە اسىرۋ كەرەكتىگىن سانامالاي كەلە: « ۇلى ويشىلدىڭ يدەيالارى مەن قاعي­داتتارىنىڭ تەوريالىق نەگىزدەرىن جاڭا زامانعا ساي پايدالانۋ, عۇلاما عالىم­نىڭ مۇراسىن وزەكتى عىلىمي-زەرت­­تەۋلەردە جانە يننوۆاتسيالىق ءبىلىم بەرۋ ۇدەرىستەرىندە كەڭىنەن قولدانۋ, ءال-فارابي يدەالدارىنىڭ نەگىزىندە جاڭا ۇلگىدەگى مەملەكەتتىك ۇستانىمداردى زەردەلەگەن ءجون», دەدى.

وسىدان كەيىن ءسوز كەزەگىن الماتى قالا­سىنىڭ اكىمى باقىتجان ساعىنتاەۆ الدى.

– بيىلعى 2020 جىل ەلىمىزدىڭ تاريحى ءۇشىن ماڭىزدى اتاۋلى كۇندەرگە باي. تورت­كۇل دۇنيەگە تانىمال عۇلاما ءابۋ نا­سىر ءال-فارابي بابامىزدىڭ 1150 جىل­دىق مەرەيتويى – سولاردىڭ ىشىندەگى ەڭ ەلەۋلىلەرىنىڭ ءبىرى. ويشىلدىڭ ارنايى زاڭمەن بەكىتىلگەن مەرەكەلىك شا­رالارىنىڭ الماتىدا باستالۋىنىڭ دا وزىندىك سىرى بار. سەبەبى ەلىمىزدەگى ەڭ باس­تى وقۋ ورداسى – ءال-فارابي اتىن­داعى قازاق ۇلتتىق ۋنيۆەرسيتەتى مەن فارابي مۇ­را­لارىن جۇيەلى زەرتتەيتىن ىرگەلى عىلى­مي ورتالىق – ۇلتتىق اكادەميا دا الما­تى قالاسىندا قونىس تەپكەن. وعان ءال-فا­رابي كىتاپحاناسى مەن فارابي ورتا­لىعىن قوسىڭىز. عۇلامانىڭ «دانالىق جاۋھارلارى», «ىزگى قالا تۇرعىندارىنىڭ كوزقارا­سى», «باقىتقا جەتۋ», «مەملەكەتتىك قاي­راتكەرلەردىڭ ناقىل سوزدەرى» سياقتى ەڭبەك­تەرى مىڭداعان جىل وتسە دە ءوز ءمانىن جويعان جوق. سولاردىڭ ىشىنەن مەن بۇگىنگى تاڭدا­عى قالا ءومىرى ءۇشىن ويشىلدىڭ «قايى­رىمدى قالا» تۋرالى يدەيالارى اسا وزەكتى دەپ سانايمىن, – دەدى.

شاھار باسشىسى ءال-فارا­بي ايتىپ كەتكەن ىزگى ارمانداردى جۇزەگە اسىرۋ­دى 7 ستراتەگيالىق باعىت­تا جۇر­گىزۋدى كوزدەپ وتىرعانىن, سول ۇستا­نىپ وتىرعان ماقساتتار ءال-فارابي مۇرات ەتكەن «قايىرىمدى قالا» تۇرعىزۋ قادام­دارىمەن ۇشتاسىپ جاتقانىن جەتكىزدى.

– ەڭ الدىمەن, ءال-فارابي مۇراسىن زەرت­تەۋ ءالى دە كۇن تارتىبىنەن تۇسكەن جوق, زەرتتەلەتىن قىرلارى جەتەرلىك. الەم­نىڭ تۇكپىر-تۇكپىرىندەگى ءال-فارابي ەڭبەك­تەرىن, شەت تىلدەردەگى اۋدارمالارىن تۋعان جەرىنە قايتارىپ, ءال-فارابي ورتا­لىعىنىڭ جەكە قورىن جاساۋ كەرەك. 1975 جىلى ويشىلدىڭ 1100 جىلدىق مەرەي­تويىنان باستاۋ العان اۋدارما ءىسىن قايتا جانداندىرۋ كەرەك. ەكىنشىدەن, الماتى – جاستار قالاسى. جاستار – ەل بولاشاعى. شىعىس امىر­لەرىنىڭ ءبىرى ءال-فارابيدەن: « – ۋا, ۇستاز, مەنىڭ مەملەكەتىمنىڭ بولاشاعى قان­داي كۇيدە بولماق؟» دەپ سۇراعاندا, ءال-فارابي: «ەلىڭنىڭ بولاشاعىن بىلگىڭ كەلسە, ماعان جاستارىڭدى كورسەت, سونان سوڭ ايتىپ بەرەيىن», دەگەن ەكەن. وسى رەتتە ءال-ءفارابيدىڭ ادامگەرشىلىك قۇن­دىلىقتار ارقىلى تاربيەلەۋ ءىسى قوعامدى ىزگىلەندىرۋگە سەپتىگىن تيگىزەرى انىق. بۇ­گىن­دە ستۋدەنت جاستار اراسىندا ارنايى ءال-فارابي شىعارماشىلىعى بويىنشا اشىق بايقاۋ جاريالاۋ, الماتى قالاسى اكىمىنىڭ ستيپەندياسىن تاعايىنداۋ ۇسىنىلىپ وتىر. ۇشىنشىدەن, الماتى قالاسىندا 2009 جىلدان بەرى ءبىلىم جانە عىلىم مينيسترلىگىنىڭ قولداۋىمەن وتەتىن ء«ال-فارابي وليمپياداسى» بۇگىندە كەڭىنەن تانىمال. وسى سايىستى «جاۋتىكوۆ وليم­پياداسى» سەكىلدى جاڭا ءبىر ساپالىق دەڭ­گەيگە, حالىقارالىق دەڭگەيگە كوتەر­گەن ءجون دەپ سانايمىن. تورتىنشىدەن, ءال-ءفارابيدىڭ ءجۇرىپ وتكەن جولىن سارالاۋ ارقىلى, تۋريستەرگە تارتىمدى بولۋ ءۇشىن جارنامالىق باعىت­تا ء«ال-فارابي ىزىمەن» ينتەراك­تيۆتى كارتاسىن دايىنداپ, سونىڭ نەگىزىندە ينتەراكتيۆتى تۋر مارشرۋتىن جاساۋ ورىندى بولار ەدى. بەسىنشىدەن, عۇلاما ويشىلدىڭ عىلى­مي نىسانىنا اسپان دەنەلەرىن زەرت­تەۋ ءىلىمى دە ەنگەن بولاتىن. جاس جەت­كىن­شەكتەرگە فارابي مۇراسىنىڭ جان-جاق­تىلىعىن دارىپتەۋ ماقساتىندا الماتى قالاسىنداعى وبسەرۆاتوريا ىشىنەن فارابي بۇرىشىن اشۋدى ۇسى­نامىن, – دەدى باقىتجان ساعىنتاەۆ.

تۇلعانىڭ ادامدىق قاسيەتىن جەتىل­دىرۋ – ءال-فارابي مۇراسىنىڭ وزەگى. ول تاربيەسىز بەرىلگەن ءبىلىمنىڭ زيان ەكەنىن ايتتى. ياعني, تەك ماتەريالدىق بايلىق  تۇڭعىش ادامعا باقىت اكەلمەيتىنىن ەسكەرتتى. قازىرگى كاسىپكەرلەرگە وسى باعىتتاعى تا­قى­رىپتىق ترەنينگتەر اسا قاجەت, – دەيدى شاھار باسشىسى.

وسىدان كەيىن قازاقستان, قىرعىزستان, تاجىكستان جانە وزبەكستان بويىنشا الماتىداعى يۋنەسكو-نىڭ كلاستەرلىك بيۋروسىنىڭ ديرەكتورى كريستا پيككات ءال-ءفارابيدىڭ جاڭا ورتا­لىعىن قۇرۋ جانە ونىڭ جۇمىسى بۇۇ مەن يۋنەسكو ءۇشىن ۇلكەن ماڭىزعا يە ەكەنىن تىلگە تيەك ەتتى.

– ءال-ءفارابيدىڭ دۇنيەتانىمى مەن مۇراسى تۇراقتى دامۋ سالاسىن­داعى جاڭا كۇن تارتىبىمەن, سونداي-اق يۋنەسكو باعدارلامالارىمەن جانە ماق­سات­تارىمەن ۇندەس. سوندىقتان دا ورتا­لىق قازاقستاندا عانا ەمەس, ورتالىق ازيادا دا مادەنيەتارالىق ديالوگتى دامى­تاتىن يۋنەسكو-نىڭ بەل­سەندى سەرىكتەسىنە اينالۋى مۇمكىن. ورتالىقتىڭ قىزمەتى يۋنەسكو-نىڭ جاستار اراسىندا عىلىمدى ىلگەرىلەتۋگە, تۇراقتى دامۋدى جەتىلدىرۋگە قاجەت ءبىلىم مەن داعدىلاردى ىنتالاندىرۋعا, سونداي-اق الەم مادەنيەتىن دامىتۋدا جانە زورلىق-زومبىلىققا قارسى ءىس-ارەكەت ەتۋدە, مادەني ارتۇرلىلىك قۇندى­لىق­تارىن تانۋدا كومەك بەرە الادى, – دەدى كريستا پيككات.

سالتاناتتى شارادا يسلام ىنتى­ماقتاستىق ۇيىمى باس حاتشىسى اسقار ءمۋسينوۆتىڭ قۇتتىقتاۋ ءسوزى وقىلدى.

– بۇگىنگى مۇمكىندىكتى پايدالانا وتىرىپ, قازاقستاننىڭ نەگىزىن قالاۋشى پرەزيدەنتى نۇرسۇلتان نازارباەۆتىڭ مادەني ورتالىقتار قۇرۋ تۋرالى باستامالارى مەن داماسكىدە 2012 جىلى قازاقستان ۇكىمەتى سالعان ءال-فارابي اتىنداعى مادەني ورتالىقتى قالپىنا كەلتىرۋ تۋرالى شەشىمىن جوعارى باعالاعىم كەلەدى. ورتالىقتىڭ قىزمەتى يۋنەسكو-نىڭ جاستار اراسىندا عىلىمدى ىلگەرىلەتۋگە, تۇراقتى دامۋدى جەتىلدىرۋگە قاجەت ءبىلىم مەن داعدىلاردى ىنتالاندىرۋعا, سونداي-اق الەم مادەنيەتىن دامىتۋدا جانە زورلىق-زومبىلىققا قارسى ءىس-ارە­كەت ەتۋدە, مادەني ارتۇرلىلىك قۇندى­لىق­تارىن تانۋدا كومەك بەرە الادى, – دەيدى اسقار مۋسينوۆ.

ءسوز كەزەگى ساۋد ارابياسى ءبىلىم جانە عىلىم ءمينيسترى ناسسەر مۇحاممەد ءال-اكيلي مىرزاعا جەتكەن كەزدە ول ەكى ەلدىڭ ۋنيۆەرسيتەتتەرىنە پايدا اكەلە­تىن عىلىمي سالالاردا زەرتتەۋلەر مەن عىلىمي ىنتىماقتاستىقتى ودان ءارى دامىتۋعا ۇلكەن ءۇمىت ارتاتىنىن جەتكىزدى.

كاپوديستريا اتىنداعى افينا ۇلت­­تىق ۋنيۆەرسيتەتىنىڭ پروفەسسورى گەور­گيوس ستەيريس: «مەن فيلو­سوفيانىڭ وتانى بولىپ سانالاتىن قالادا دۇنيەگە كەلدىم. سوكرات, پلا­تون جانە اريستوتەل افينادا فيلوسوفيانىڭ نەگىزىن قالادى. ولاردان سوڭ فيلوسوفيا شىعىستا تارالا باستادى, وندا فيلوسوفيالىق وي­دىڭ بارلىق اسپەكتىلەرىن ەكىنشى عالىم دامىتتى. ءابۋ ناسىر ءال-فارابي پلا­تون­دىق جانە اريستوتەلدىك ويلاردى شى­عىس داستۇرلەرىمەن بايلانىستىرۋعا ۇم­تىلدى جانە ۇلى ەۋرازيا دالاسىنا في­لو­سوفيانى الىپ كەلگەن. ونىڭ ۇستى­نە, ۇلى مۋزىكا كى­تا­بى – اسا ماڭىزدى ورتاعاسىرلىق مۋزىكالىق تراكتات. ءال-ءفارابيدىڭ فيلوسوفيا تاريحىنداعى ورنى نەگىزدەۋشى ەكەنى نازار اۋدارارلىق. ويتكەنى ونىڭ شىعارماشىلىعى مەن قىزمەتى قازاقستان, يراك, سيريا جانە مىسىردىڭ تاريحي جەرلەرىن, جەرورتا تەڭىزىنەن قىتاي شەكاراسىنا دەيىنگى بارلىق ۇلى وركەنيەتتەردى بىرىكتىردى. ناتيجەسىندە ول اريستوتەلدەن كەيىنگى ۇلى فيلو­سوفيالىق بەدەلگە يە بولدى.

ول جاھاندانۋ يدەياسىن العا تارتقان ءبىرىنشى ادام. ول ەجەلگى گرەكتەردىڭ مەيى­­رىمدى قالا يدەياسىن ساقتاۋعا ۇمتى­لادى, سونداي-اق مەيىرىمدى قاۋىم مول­شەرىن ارتتىرادى. ونىڭ پايىمداۋى ما­ڭىزدى جانە ىقپالدى بولىپ قالا بەرەدى, ويتكەنى ءال-ءفارابيدىڭ جاھاندىق مەم­لەكەتى اقىل-وي مەن شىدامدىلىق ار­قىلى باسقارىلادى. ەشبىر ءدىني نەمەسە ەتنوستىق ءداستۇر ەكىنشىسىن جوققا شى­عار­مايدى», دەدى.

مارتەبەلى مەيمانداردىڭ ءبىرى داماسك ۋنيۆەرسيتەتىنىڭ پرەزيدەنتى مۇحاممەد ماحەر كاباكيبي بايىرعى شام تاريحىن بەزبەندەي كەلە: «مۇندا عۇ­لاما ءابۋ ناسىر ءال-ءفارابيدىڭ كەسەنەسى ورنا­لاسقان. ول ەڭ كورنەكتى تۇلعالاردىڭ ءبىرى. ھيجرا جىل ساناۋى بويىنشا 329 جىلى داماسكىدە قايتىس بولىپ, سول جەردە جەرلەنگەن. ەسكى داماسكىدە ونىڭ كەسەنەسىنىڭ جانىنان ء«ال-فارابي مادە­ني ورتالىعى» قۇرىلعان. ول فيلوسوفيا, لوگيكا, فيزيكا, مۋزىكا, مەديتسينا جانە ەتيكا عىلىمدارىن تەرەڭ مەڭگەرگەننەن كەيىن «ەكىنشى ۇستاز» دەگەن اتقا يە بولعان. بۇل ورتالىق قازاق ەلىنىڭ سيرياعا تارتۋى», دەدى.

تۇركيا رەسپۋبليكاسىنىڭ ۇلى ۇلت­تىق ءماجىلىسىنىڭ دەپۋتاتى مەتين گۇن­دوعدۋ بيىلعى فارابي جىلىندا تۇركيا رەسپۋبليكاسىنىڭ رەسمي وكىل­دەرى ءال-فارابي اتىنداعى قازاق ۇلتتىق ۋنيۆەرسيتەتىمەن تىزە قوسا وتىرىپ, ىستانبۇل مەن انكارادا ءتۇرلى ءىس-شارا وتكىزەتىندىگىن جەتكىزدى.

سالتاناتتى جيىننىڭ رەسمي بولىگىن ءال-فارابي اتىنداعى قازاق ۇلتتىق ۋني­ۆەرسيتەتىنىڭ رەكتورى عالىم مۇتانوۆ قورىتىندىلادى.

ارادا ءحى عاسىر وتسە دە, ءال-فارابي ءىلىمىنىڭ ءدال قازىرگى الماعايىپ زاماندا وتە وزەكتى ءارى قاجەتتى ەكەنىنە كوزىمىز جەتىپ وتىر. وسى ورايدا, ۋنيۆەرسيتەت باسشىسى بىرىككەن ۇلتتار ۇيىمىنىڭ تۇراقتى دامۋ جونىن­دەگى جاھاندىق حابى رەتىندە قازۇۋ عۇلامانىڭ قايىرىمدى قوعام تۋرالى ءىلىمىنىڭ نەگىزىندە ۋنيۆەرسيتەت – 4.0 جاڭا مودەلىن دايىنداپ, وتكەن جىلى بىرىككەن ۇلتتار ۇيىمىنىڭ نيۋ-يوركتەگى شتاب-پاتەرىندە, ال بيىل جيددادا, يسلام ىنتىماقتاستىعى ۇيى­مىندا تانىستىردى. جاڭا جوبا حالىق­­ارالىق اۋقىمدا جان-جاقتى قو­ل­داۋ تابا باستادى, دەدى.

قازىرگى ۋاقىتتا وسى مودەل اياسىندا قازۇۋ بىرىككەن ۇلتتار ۇيىمى­نىڭ وركەنيەتتەر اليانسىمەن بىرگە «قايى­رىمدى قوعام ازاماتتارىن قالىپ­تاستىرۋ. قازىرگى ۋنيۆەرسيتەتتەر ميسسيا­سى» دەپ اتالاتىن حالىقارالىق جو­با­نى جۇزەگە اسىرىپ وتىر. بۇل جوبا قازاق ۇلت­تىق ۋني­ۆەرسيتەتىنىڭ الەم­نىڭ 12 مەم­لەكەتىندە اشىلعان ءال-فارابي ورتالىق­تارىندا ىسكە قوسىلعان. سونداي-اق جۋىردا ءال-ءفارابيدىڭ جاتقان جەرى – داماسكىدەگى كەسەنەسىندە وسىنداي ورتالىق اشىلماق. وسى ارادا ءال-فارابي ەسىمىن جانە ءىلىمىن ماشھۇرلەۋ ماقساتىندا ۇلت­تىق ۋنيۆەرسيتەتتە تۇڭعىش قازاقستان­دىق ء«ال-فارابي-1» جانە ء«ال-فارا­بي-2» نانوسپۋتنيكتەرى عارىشقا ۇشىرىل­عانىن ايتۋ ءلازىم. سونداي-اق ء«ال-فارابي عىلىمي-تەح­نولوگيالىق القابى» اتتى جاڭا جوبا ىسكە قوسىلادى.

ۇلى ويشىلدىڭ مەرەيتويى قار­ساڭىندا ۋنيۆەرسيتەت ستۋدەنتتەرى ءال-ءال-ءفا­را­بيدىڭ قايىرىمدى قوعام تۋرالى ءىلىمىن ەلىمىزدە جانە الەمدە تاراتۋ نيەتىمەن «QAIYRYMDY QOǴAM» دەپ اتالاتىن زاماناۋي چەللەندجدى باس­تاپ كەتتى. فارابي مەرەيتويى اشىلۋ سالتاناتىنىڭ سوڭى تەاترلاندىرىلعان ساحنالىق كورىنىس پەن ۇلكەن كونتسەرتكە ۇلاستى.

الماتى