قارجى پوليتسياسى قىلمىستىق اكتيۆتەردى انىقتاۋ جانە قايتارۋ بويىنشا جۇمىس جۇرگىزۋدە. بۇل تۋرالى BNews.kz حابارلادى.
«قارجى پوليتسياسى ورگاندارى قىلمىستىق جولمەن تابىلعان جانە قازاقستاننان شەتەلدەرگە شىعارىلعان اكتيۆتەردى انىقتاۋ جانە قايتارۋ بويىنشا جۇمىستى جۇرگىزۋدە», دەپ كورسەتىلگەن جازبادا.
ماسەلەن, حراپۋنوۆتاردىڭ ۇيىمداسقان قىلمىستىق توبىنا قاتىستى قىلمىستىق ءىستى تەرگەۋ بارىسىندا قارجى پوليتسياسى اگەنتتىگى شۆەيتسار كونفەدەراتسياسىنىڭ قۇزىرەتتى ورگاندارىنا قىلمىستىق ءىس بويىنشا قۇقىقتىق كومەك كورسەتۋ تۋرالى حالىقارالىق تاپسىرما جىبەردى.
قۇقىقتىق كومەك كورسەتۋ تۋرالى تاپسىرمادا كورسەتىلگەن قۇجاتتار مەن دايەكتەر شۆەيتساريانىڭ ۋاكىلەتتى ورگاندارىمەن سارالانىپ, ناتيجەسىندە حراپۋنوۆتارعا قاتىستى شۆەيتسار كونفەدەراتسياسىنىڭ اۋماعىندا قىلمىستىق جولمەن تابىلعان كاپيتالدى زاڭداستىرۋ فاكتىسى بويىنشا قىلمىستىق قۋدالاۋ باستالدى.
قازىرگى كەزدە شۆەيتساريانىڭ قۇزىرەتتى ورگاندارى حراپۋنوۆتار جانۇياسىنىڭ اكيۆتەرىنە ولاردىڭ زاڭدىلىعىن انىقتاعانعا دەيىن تىيىم سالدى. تانىسۋ جانە قىلمىستىق ءىس فيگۋرانتتارىنىڭ ءىس-ارەكەتىنە قۇقىقتىق باعا بەرۋ ءۇشىن بانكىلىك, قارجىلىق جانە وزگە دە قۇجاتتارى الىندى.
سونىمەن بىرگە, شۆەيتسار كونفەدەراتسياسىنىڭ فەدەرالدىق پروكۋراتۋراسى رىسقاليەۆتەرگە قىلمىستىق جولمەن تابىلعان اقشالاي قاراجاتتى زاڭداستىرۋ فاكتىسى بويىنشا قىلمىستىق تەرگەۋ جۇرگىزۋدە.
تەرگەۋ اياسىندا رىسقاليەۆتەر مەن ولاردىڭ جاقىن تۋىستارىنا تيەسىلى شۆەيتساريا بانكىلەرىندە جالپى سومماسى 100 ملن ەۆرودان اساتىن ايتارلىقتاي اقشالاي قاراجات سالىنعان 3 بانكىلىك ەسەپ-شوت انىقتالدى.
فەدەرالدىق پروكۋراتۋرا اتالعان شوتتارعا تىيىم سالدى.
قارجى پوليتسياسى اگەنتىگى ءوز قىزمەتكەرلەرىنىڭ شۆەيتسار كونفەدەراتسياسى اۋماعىندا تەرگەۋ امالدارىن جۇرگىزۋگە رۇقسات بەرۋ تۋرالى حالىقارالىق تاپسىرما جولدادى.
قايرات قوجانازار.