جۋىردا مينسك (بەلارۋس) قالاسىندا جۇزۋدەن كورۋ قابىلەتى تومەن جانە تىرەك-قيمىل اپپاراتى زاقىمدانعان سپورتشىلار اراسىنداعى بەلارۋس رەسپۋبليكاسىنىڭ اشىق چەمپيوناتى ءوتتى.
بىرىنشىلىك حالىقارالىق پاراليمپيادا كوميتەتىنىڭ قولداۋى اياسىندا ۇيىمداستىرىلىپ, وعان الەمنىڭ 7 مەملەكەتىنەن, اتاپ ايتار بولساق, جارىستى ۇيىمداستىرۋشى بەلارۋس جانە ازەربايجان, قازاقستان, تۇركيا, ۋكراينا, ليتۆا, مولدوۆا ەلدەرىنەن بارعان 150-دەن اسا سپورتشى باق سىنادى.
مۇمكىندىگى شەكتەۋلى سپورتشىلاردىڭ بايراقتى باسەكەسىنە قازاقستان قۇراماسىنان 15 سپورتشى قاتىسىپ, جالپى سانى 43 مەدال جەڭىپ الدى. ونىڭ 21-ءى التىن, 13-ءى كۇمىس جانە 9-ى قولا. سپورتشىلاردىڭ كورسەتكەن ناتيجەلەرى (IPC) حالىقارالىق پاراليمپيادا كوميتەتىنىڭ 2020 جىلعى الەمدىك رەيتينگىنە ەنگىزىلەدى.