وسى جىلدىڭ 24 قاڭتارىندا تۇنگى ساعات 00:45-تە قازالى اۋدانىنداعى پوليتسيا ءبولىمىنىڭ كەزەكشىسىنە اۋدان تۇرعىنىنان حابارلاما تۇسەدى. «جۇبان» ەلدى-مەكەنىندەگى قوجالىقتان «ۋاز» اۆتوكولىگىمەن شىققان جاقىندارىنان حابار الا الماي جاتقاندىعىن حابارلاعان تۇرعىن كولىكتەگى 4 ادامنىڭ ەكەۋى بالا ەكەندىگىن ايتقان. وسى اقپارات نەگىزىندە 2 جەدەل-ىزدەستىرۋ توبى قۇرىلىپ, پوليتسيا قىزمەتكەرلەرى اداسقانداردى ىزدەۋگە كىرىستى.
جەدەل جولعا شىققان پوليتسەيلەر تاڭ قىلاڭ بەرە قۋان اۋىلىنان وڭتۇستىككە قاراي شامامەن 250 شاقىرىم جەردەن جولاۋشىلاردى تاپتى. كۇننىڭ كۇرت بۇزىلۋىنان جولدان جاڭىلىسىپ, باسقا باعىتقا كەتىپ قالعان جولاۋشىلار ۇيلەرىنە جەتكىزىلدى.
وبلىس اۋماعىندا ء الى دە كۇن رايى قۇبىلىپ تۇر. وسىعان بايلانىستى ءتارتىپ ساقشىلارى قاۋىپسىزدىك ەرەجەلەرىن قاتاڭ ساقتاپ, جولدا مۇقيات بولۋدى ەسكەرتەدى.