پرەزيدەنت قاسىم-جومارت توقاەۆ بىرىككەن اراب امىرلىكتەرىنە ساپارى بارىسىندا قۇرمەتتى قوناقتار كىتابىنا ەستەلىك قولتاڭباسىن قالدىردى.
ق.توقاەۆ ء«ال-ۋاتان» سارايىنا كەلگەننەن كەيىن قازاقستاننىڭ ءانۇرانى وينالدى. بۇدان كەيىن مەملەكەت باسشىسى مەن ءباا تاق مۇراگەرى شەيح مۇحاممەد بەن زايد ءال-ناحايان بىرلەسكەن سۋرەتكە ءتۇسىپ, ءوزارا دەلەگاتسيا مۇشەلەرىن تانىستىردى.
سالتاناتتى شارادان كەيىن ق.توقاەۆ قۇرمەتتى قوناقتار كىتابىنا ەستەلىك قولتاڭباسىن قالدىردى.
«ەلىڭىز بەن ء«ال-ۋاتان» سارايىنداعى جىلى قابىلداۋىڭىز ءۇشىن شىنايى العىسىمدى بىلدىرەمىن. قازاقستان مەن بىرىككەن اراب امىرلىكتەرىنىڭ دوستىعى مەن باۋىرلاستىق قارىم-قاتىناستارى نىعايا بەرسىن. امىرلىكتەر حالقىنىڭ ىرىسى مەن بەرەكەسى باياندى بولۋىنا تىلەكتەسپىن! ىزگى نيەتپەن, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ» دەلىنگەن قۇرمەتتى قوناقتار كىتابىندا جازىلعان تىلەكتە.
ايتا كەتۋ كەرەك, پرەزيدەنت ق.توقاەۆتىڭ بىرىككەن اراب امىرلىكتەرىنە ساپارى ەكى كۇنگە جالعاسادى. تاق مۇراگەرى شەيح مۇحاممەد بەن زايد ءال-ناحايانمەن ەكىجاقتى كەزدەسۋ وتكىزگەننەن كەيىن ءباا-ءنىڭ بيزنەس وكىلدەرىمەن كەزدەسۋ جوسپارلانعان.