قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 1406, +7 7172 76 80 43 بايلانىس-ورتالىعىنا ازاماتتار تاۋلىك بويى حابارلاسىپ, كوروناۆيرۋستىق ينفەكتسياعا قاتىستى كەز كەلگەن ساۋالىن قويا الادى جانە الدىن الۋ شارالارى مەن اۋرۋدىڭ سيمپتومدارى جايلى بىلۋگە بولادى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
«باستىڭ اۋىرۋى, سۋىق تيۋ, كەۋدە تۇسىنىڭ اۋىرسىنۋى, پنەۆمونيا, قالتىراۋ, دەنە قىزۋىنىڭ كوتەرىلۋى, جۇرەك قاعىسىنىڭ جيىلەۋى, تىنىس الۋدىڭ جيىلەۋى سىندى سيمپتومداردى بايقاساڭىز, 103 نومiرiنە حابارلاسىڭىز» دەلىنگەن حابارلامادا.