«الماتى» اۋدانى اكىمدىگىنىڭ قىزمەتكەرلەرى قالا تۇرعىندارى جانە قىزمەت كورسەتۋشى ۇيىممەن بىرگە ء«بىز بىرگەمىز» چەللەندجى اياسىندا مۇستافين كوشەسىندەگى اۋلالىق اۋماقتى قاردان تازالادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
بەلسەندى قىزمەتكەرلەر ەلوردا جاستارى باستاعان چەللەندجدى قوستاپ, #بىزبىرگەمىز حەشتەگىمەن وزگە دە مەكەمەلەردى ناۋقانعا قاتىسۋعا شاقىردى. اتالمىش شارا ەلوردا كوشەلەرىن قاردان تازارتۋعا جانە كوممۋنالدىق قىزمەت جۇمىسشىلارىنا قولداۋ كورسەتۋگە باعىتتالعان.
كۇنى كەشە مەملەكەت باسشىسى قاسىم-جومارت توقاەۆ ءوزىنىڭ Twitter پاراقشاسىندا باستامانىڭ ۆولونتەرلەر جىلىنا ساي ەكەندىگىن اتاپ ءوتىپ, #بىزبىرگەمىز حەشتەگىمەن ۆيدەو جاريالاۋ ۇسىنىسىن قولدايتىندىعىن ءبىلدىردى.
ايتا كەتەيىك, ەلوردا ەرىكتىلەرىن العاش قولداعاندار قاتارىندا بەلگىلى ءازىل-سىقاقشى, تەلەجۇرگىزۋشىسى تۇرسىنبەك قاباتوۆ, جۋرناليست, تەلەجۇرگىزۋشى اسحات سادىرباي , «نازار اۋدار» تەاترىنىڭ ارتىستەرى بولدى.