ەلباسىنىڭ قازاقستان حالقىنا جولداۋىندا ادامداردىڭ دەنساۋلىعىن جاقسارتۋعا جان-جاقتى قولعابىس جاساۋ, اۋىل ادامدارىنا تەگىن مەديتسينالىق قىزمەت كورسەتۋى جايلى ايتىلعان بولاتىن. بۇل باعىتتا كەندى التايدا دا كوپ ىستەر تىندىرىلىپ جاتىر. مەديتسينا قىزمەتكەرلەرىنىڭ بىلىكتىلىگىن ارتتىرۋ, مەكەمەلەرگە كولىك بەرۋ, قاجەتتى جابدىقتارمەن قامتاماسىز ەتۋدە يگىلىكتى شارالار اتقارىلۋدا. جاقىندا ۇلان اۋدانىندا ىسساپارمەن بولعان كەزدە بۇعان كوز جەتكىزدىك.
ەلباسىنىڭ قازاقستان حالقىنا جولداۋىندا ادامداردىڭ دەنساۋلىعىن جاقسارتۋعا جان-جاقتى قولعابىس جاساۋ, اۋىل ادامدارىنا تەگىن مەديتسينالىق قىزمەت كورسەتۋى جايلى ايتىلعان بولاتىن. بۇل باعىتتا كەندى التايدا دا كوپ ىستەر تىندىرىلىپ جاتىر. مەديتسينا قىزمەتكەرلەرىنىڭ بىلىكتىلىگىن ارتتىرۋ, مەكەمەلەرگە كولىك بەرۋ, قاجەتتى جابدىقتارمەن قامتاماسىز ەتۋدە يگىلىكتى شارالار اتقارىلۋدا. جاقىندا ۇلان اۋدانىندا ىسساپارمەن بولعان كەزدە بۇعان كوز جەتكىزدىك.
مەكتەپ پەن ونىڭ جانىنداعى نازيگۇل اسانعاليەۆا جەتەكشىلىك ەتەتىن فەلدشەرلىك-اكۋشەرلىك كابينەتتىڭ ماڭى اۋىل ادامدارىنا تولى. سەبەبى, بۇگىن مۇندا «سالاماتتى قازاقستان» باعدارلاماسىنا سايكەس ۇلان اۋداندىق ورتالىعىنىڭ ءدارىگەرلەرى كەلگەن ەكەن. بىلىكتى دارىگەر ەربول ارىنعازين بىلاي دەدى.
– ءبىز قازىر ۇلان اۋدانىنىڭ ەلدى مەكەندەرىن ارالاپ, تەگىن مەديتسينالىق كومەك كورسەتۋدەمىز. اقتاۋ, بوزامباي اۋىلدارىندا بولدىق, ەندىگى باعىت – تروينيتسكوە, ميتروفونوۆكا ەلدى مەكەندەرى. بۇگىن ماماي باتىر اۋىلىنا كەلدىك. تاتيانا يۆانوۆا قان قۇرامىن تەكسەرسە, بىلىكتى دارىگەرلەر الماگۇل قۇيقاشەۆا, تەراپەۆت ءاليا تانتىباەۆا, ۋزي دارىگەرى قايرات ماناسباەۆ اۋىل ادامدارىن مۇقيات تەكسەرىپ, قاجەتتى اقىل-كەڭەستەرىن بەرۋدە. ونىڭ ۇستىنە وبلىستىق قۇرت اۋرۋىنا قارسى ديسپانسەردىڭ قىزمەتكەرلەرى دە ارنايى قۇرال-جابدىقتارىن الىپ كەلىپ, ادامداردى رەنتگەنگە تۇسىرۋدە. ەگەر اۋىل ادامدارىنىڭ قالاعا بارىپ, وكپەسىن تەكسەرتۋگە جانە قان تاپسىرۋعا قانشا ۋاقىتى مەن قارجىسى كەتەتىنىن ەسكەرسەك, مەملەكەتتىڭ «دەنساۋلىق جولى» باعدارلاماسىنىڭ ادام فاكتورىن كۇشەيتۋگە قوساتىن ۇلەسى ەرەكشە, – دەپ ۇگىت پويىزىنىڭ ۇلان اۋدانى بويىنشا جەتەكشىسى ەربول ارىنعازين اعىنان جارىلدى.
سول كۇنى ماماي باتىر اۋىلىنىڭ ەكى جۇزگە تارتا ادامى وكپەلەرىن تەكسەرتىپ السا, تاعى سونشاما ادام قان تاپسىرىپ, دارىگەرلەردىڭ اقىل-كەڭەسىن تىڭدادى. اۋىلدىڭ بايىرعى تۇرعىنى, ەڭبەك ارداگەرى ءشايزادا جاڭاباەۆا دەمىكپە سىرقاتىمەن اۋىراتىنىن, قىسىلعان كەزدە اۋىلداعى ءنازيگۇل اسانعاليەۆا باسقاراتىن فەلدشەرلىك-اكۋشەرلىك كابينەت قىزمەتكەرلەرىنىڭ وزىنە عانا ەمەس باسقا ادامدارعا ادال قىزمەت ەتەتىنىن ايتىپ, ءبۇگىنگى «سالاماتتى قازاقستان» باعدارلاماسىنىڭ قازاقستان حالقىنا ولشەۋسىز جاقسىلىق جاساپ وتىرعانىنا العىسىن ءبىلدىردى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
ۇلان اۋدانى.
–––––––––––––
سۋرەتتە: ارنايى كولىكتە اۋىل تۇرعىندارى وكپەلەرىن تەكسەرتتى.