پارلامەنت سەناتى اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى ءالي بەكتاەۆ تۇركىستان وبلىسىنداعى سوزاق جانە شاردارا اۋداندارىنىڭ تۇرعىندارىمەن كەزدەستى. كەزدەسۋگە اۋدان اكتيۆى, اۋىلدىق وكرۋگتەر مەن كەنتتەردىڭ اكىمدەرى, ءبىلىم بەرۋ جانە دەنساۋلىق ساقتاۋ مەكەمەلەرىنىڭ قىزمەتكەرلەرى, شارۋا قوجالىقتارىنىڭ باسشىلارى, بۇقارالىق اقپارات قۇرالدارىنىڭ وكىلدەرى قاتىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
سەناتور بيىلعى جىلدان باستاپ كۇشىنە ەنگەن زاڭدار مەن جاڭالىقتار, مەملەكەت باسشىسىنىڭ قازاقستان حالقىنا جولداۋىندا بەلگىلەنگەن نەگىزگى قاعيدالاردىڭ ىسكە اسۋى, سونداي-اق دەپۋتاتتىق ساۋالدار تۋرالى حاباردار ەتتى.
اۋدان تۇرعىندارى ەگىستىك جەرلەر مەن مال شارۋاشىلىعىن سۋبسيديالاۋ, اۋىل شارۋاشىلىعىن دامىتۋ ءۇشىن جەڭىلدىكتى نەسيە بەرۋ, مەملەكەتتىك ساتىپ الۋ تۋرالى زاڭناماعا وزگەرىستەر ەنگىزۋ, پەداگوگ ايەلدەردىڭ قۇرمەتتى دەمالىسقا شىعۋ جاسىن تومەندەتۋ جانە تاعى باسقا ماسەلەلەردى كوتەردى.
دەپۋتات بارلىق كوكەيكەستى ماسەلەلەر جەكە باقىلاۋدا ەكەنىن جانە دەپۋتاتتىق ساۋالدار ۇكىمەتكە جىبەرىلەتىنىن اتاپ ءوتتى.
سەناتور ساپار اياسىندا كۇن ەلەكتر ستانتسياسىندا بولدى.