الداعى كۇندەردە اۋا رايى قانداي بولادى؟

جىل باسىنان بەرى ەۋروپانىڭ سولتۇستىك جارتىسىندا جانە باتىس سىبىردە وتە بەلسەندى ەندىك فرونتالدى ايماق قۇرىلدى, ول ارقىلى جىلۋ مەن ىلعالدىڭ ۇلكەن قورى بار تەرەڭ تسيكلوندار اتلانتيكا ايماقتارىنان اركتيكا جاعالاۋلارىنىڭ بويىمەن بىرىنەن كەيىن ءبىرى اۋىسىپ, سول ارقىلى اركتيكالىق سۋىقتىڭ قازاقستان اۋماعىنان ءوتۋىن تەجەيدى.

الداعى بىرنەشە كۇندە رەسپۋبليكاداعى اۋا رايىنا اسەر ەتەتىن سينوپتيكالىق پروتسەستەردە ايتارلىقتاي وزگەرىستەر بولمايدى. سوندىقتان, قازاقستاندا قاتتى اياز بولماۋى مۇمكىن.

اتموسفەرالىق فرونتتاردىڭ اسەرىنەن رەسپۋبليكانىڭ سولتۇستىك جانە شىعىس ايماقتارىندا 19-20 قاڭتاردا كەي جەرلەردە قار جاۋىپ, بوران بولادى, باتىستان جانە سولتۇستىك-باتىستان قاتتى جەل سوعادى, اۋا تەمپەراتۋراسى تۇندە 10-18, كۇندىز 5-10 گرادۋس اياز بولادى.

قالعان اۋماقتا جاۋىن-شاشىنسىز, تۇندە جانە تاڭەرتەڭ تۇمان تۇسەدى, باتىستا اۋا تەمپەراتۋراسى تۇندە 2-10, كۇندىز 4 گرادۋس اياز, 2 گرادۋس جىلى; وڭتۇستىك جانە وڭتۇستىك-شىعىستا تۇندە 8-15 گرادۋس اياز, كۇندىز 5 گرادۋس اياز, -2 گرادۋس جىلى; ورتالىقتا تۇندە 8-15, كۇندىز 5-10 گرادۋس اياز بولادى. مۇنداي اۋا تەمپەراتۋراسى كوپجىلدىق ورتاشا ماننەن 3-5°س جوعارى, رەسپۋبليكانىڭ وڭتۇستىگىندە كوپجىلدىق ورتاشا نورمادان جوعارى.

نۇر-سۇلتان قالاسىندا 19 قاڭتاردا تۇندە7-12 گرادۋس, تۇندە 3-8 گرادۋس اياز بولسا, 20 قاڭتاردا تۇندە 13-18, كۇندىز 7-12 گرادۋس اياز بولادى.