شاراينا
اقش-تىڭ عىلىم جانە حالىقارالىق قاۋىپسىزدىك ينستيتۋتىنىڭ ساراپشىلارى 2014 جىلدىڭ ورتاسىنا قاراي يران يادرولىق بومبا جاساۋعا تولىق قول جەتكىزەدى دەپ جاريالادى. ءسويتىپ, ءوزى دە تىنىشتىعى از تاياۋ شىعىستى تاعى ءبىر دۇرلىكتىرىپ قويدى.
شاراينا
قۇر بايبالام با, شىندىق پا؟
اقش-تىڭ عىلىم جانە حالىقارالىق قاۋىپسىزدىك ينستيتۋتىنىڭ ساراپشىلارى 2014 جىلدىڭ ورتاسىنا قاراي يران يادرولىق بومبا جاساۋعا تولىق قول جەتكىزەدى دەپ جاريالادى. ءسويتىپ, ءوزى دە تىنىشتىعى از تاياۋ شىعىستى تاعى ءبىر دۇرلىكتىرىپ قويدى.
ساراپشىلار يراننىڭ يادرولىق نىساندارى شوعىرلانعان «ناتانتس» پەن «فوردوعا» قازىردىڭ وزىندە ۋران بايىتۋعا قولدانىلاتىن مىڭعا جۋىق تسەنتروفۋگالار ورناتىلعانىن ايتادى. مىنە, وسىلار كەلەر جىلدىڭ ورتاسىنا دەيىن يادرولىق قارۋعا قاجەتتى بايىتىلعان ۋران جيناقتاي الادى ەكەن. ساراپشىلار ماگاتە-گە وسى نىسانداردى قاتاڭ باقىلاۋعا الۋى كەرەكتىگىن ەسكەرتتى.
قارجى قورى قاپى قالدىرا ما؟
سەيسەنبى كۇنى قىتايدىڭ قارجى رىنوگىنىڭ يندەكسى 2009 جىلعى ەڭ ۇلكەن قۇلدىراۋمەن سالىستىرعاندا 43 پايىزعا ءتۇسىپ كەتتى. بۇل الەمدە جالعىز گرەكيادان باسقا ەلدەردەگىدەن تومەن. وسىعان قاراپ كوپتەگەن ساراپشىلار قىتايدىڭ قور رىنوگىن قايتا وڭالماس دەپ باعالاپ وتىر.
الايدا, قىتايدىڭ قايتا ورلەۋىنەن كۇدەر ۇزبەي وتىرعان ماماندار دا جوق ەمەس. ويتكەنى, ءوسۋ قارقىنى 2009 جىلعا دەيىن اقش-تى باسىپ وزۋعا اياق باسقان قور رىنوگى بىردەن قۇلدىراپ كەتەدى دەگەنگە ولار سەنبەيتىن سياقتى. ەسكە الاتىن بولساق, سول 2009 جىلى قىتايدىڭ قور رىنوگىنداعى اكتسيالار 3,2 ترلن. دوللارعا جەتكەن. ال اقش-تىكى ول كەزدە 11,2 ترلن. بولاتىن.
جاڭا پرەزيدەنتتى ۇلىقتاۋ
يران يسلام رەسپۋبليكاسىنىڭ جاڭادان سايلانعان پرەزيدەنتى حاسان ءروۋحانيدى ۇلىقتاۋ 3 تامىزعا بەلگىلەنگەن. ەسكە سالا كەتەتىن بولساق, 64 جاسار ح.روۋحاني ەلدەگى سايلاۋشىلاردىڭ 72 پايىزى داۋىس بەرگەن سايلاۋدىڭ العاشقى تۋرىندا-اق 50,2 پايىز داۋىس جيناپ, جەڭىسكە جەتتى.
ول شاحقا قارسى كۇرەستە اياتوللا حومەينيدىڭ جاعىندا بولعان بەلسەندى كۇرەسكەرلەردىڭ ءبىرى. يران پرەزيدەنتىن ۇلىقتاۋ راسىمىنە رەسەي تاراپىنان ۆ.پۋتين ەمەس, مەملەكەتتىك دۋمانىڭ سپيكەرى س.نارىشكين باراتىنىن مالىمدەدى كەشە پرەزيدەنتتىڭ ءباسپاسوز حاتشىسى د.پەسكوۆ.
كوپ شۋ بولسا دا, كوپ شىعىن جوق
سوڭعى جىلدارى ماسكەۋدىڭ ەڭ ۇلكەن تەلەورتالىعى «وستانكينو» كەشە ەكىنشى رەت وتقا وراندى. توتەنشە جاعدايلار مينيسترلىگىنىڭ الدىن الا مالىمەتىنە قاراعاندا, ءورت ەلەكتر سىمدارىنىڭ قىسقا تۇيىقتالۋىنان نەمەسە دەكوراتسيالاردى بوياۋ كەزىندە تەحنولوگيالىق پروتسەستەردى بۇزۋدان شىققان.
مىڭنان ارتىق ادامدى ۋلاتىپ-شۋلاتىپ, تەلەورتالىقتان دالاعا قۋىپ, ءبىراز قاربالاس قىلعان ءورتتىڭ شىعىنى سونشالىق ۇلكەن بولعان جوق. ول دەر كەزىندە ءوشىرىلدى. الدىن الا ەسەپتەرگە قاراعاندا, كەلتىرىلگەن شىعىن 120 مىڭ رۋبلدەن اسپايتىن سىڭايلى. مۇنىڭ الدىنداعى ورتتە ءۇش ادام قازا بولعان ەدى.
فاشيستەردى جارنامالاۋ جاقسىلىق ەمەس
نەمىستىڭ DerLandser جۋرنالى امەريكالىق ەۆرەيلەردىڭ زارە-قۇتىن الىپ وتىر. ويتكەنى, وندا نەمىس ۇلتشىلدىعىن ماقتاپ, سس سولداتتارىنىڭ «ەرلىگى» دارىپتەلگەن كورىنەدى. قازىر امەريكالىق ەۆرەيلەردىڭ سيمون ۆيزەنتال ورتالىعى نەمىس بيلىگىنەن جۋرنالدى جابۋدى تالاپ ەتىپ وتىر.
ەۆرەي قاۋىمىن دۇرلىكتىرگەن جۋرنالدىڭ سوڭعى نومىرلەرىنىڭ بىرىندەگى نەمىس-فاشيست سولداتتارىنىڭ گرەكيادا تۇسكەن سۋرەتتەرى ەكەن. وندا نەمىس سولداتتارى جەرگىلىكتى تۇرعىندارمەن ەمەن-جارقىن اڭگىمەلەسىپ, جاقسى كوڭىلدە تۇر. وزدەرىنەن باسقا ادامزاتتى قۇرتۋدى كوزدەگەن ارميانىڭ سولداتتارىن بۇلاي بەينەلەۋگە بولمايدى, دەيدى ەۆرەي قاۋىمداستىعى. بۇل اتالمىش جۋرنالدىڭ ءبىرىنشى رەت سىنعا ۇشىراۋى ەمەس.
الپينيستەر امان قالدى
گرۋزين قۇتقارۋشىلارى سۆانەتياداعى شحارا تاۋىنا شىعىپ, ونداعى ەڭ بيىك شىڭدى «باعىندىرۋعا» كەلگەن پولشانىڭ ءتورت ءالپينيسىن اجالدان قۇتقارىپ قالدى. قۇتقارۋ وپەراتسياسى اۋا-رايىنىڭ كۇرت بۇزىلۋىنان ءۇش كۇنگە سوزىلدى.
بىراق, ءبارى دە ءسا