«باتامەن ەل كوگەرەدى» دەمەكشى, ەل باتاسى مەن ونىڭ العىسىنا بولەنۋ سوت قاۋىمى ءۇشىن اسا ماڭىزدى. وسىنداي ىزگىلىككە بولەنگەن جانداردىڭ العىس حاتتارى لەك-لەگىمەن جوعارعى سوت توراعاسىنىڭ حات قورجىنىنا ءتۇسىپ, تولاستار ەمەس. سونىڭ ءبىرى كەنتاۋ قالاسىنىڭ 33 تۇرعىنىنىڭ اتىنان كەلىپ تۇسكەن حاتتى ەرەكشە اتاپ ءوتۋ ورىندى. سوتقا دەگەن سەنىمدەرى نىعايىپ, جۇزدەرىن كۇلكى, جۇرەكتەرىن قۋانىش كەرنەگەن جانداردىڭ حاتى العىسقا تولى.
«باتامەن ەل كوگەرەدى» دەمەكشى, ەل باتاسى مەن ونىڭ العىسىنا بولەنۋ سوت قاۋىمى ءۇشىن اسا ماڭىزدى. وسىنداي ىزگىلىككە بولەنگەن جانداردىڭ العىس حاتتارى لەك-لەگىمەن جوعارعى سوت توراعاسىنىڭ حات قورجىنىنا ءتۇسىپ, تولاستار ەمەس. سونىڭ ءبىرى كەنتاۋ قالاسىنىڭ 33 تۇرعىنىنىڭ اتىنان كەلىپ تۇسكەن حاتتى ەرەكشە اتاپ ءوتۋ ورىندى. سوتقا دەگەن سەنىمدەرى نىعايىپ, جۇزدەرىن كۇلكى, جۇرەكتەرىن قۋانىش كەرنەگەن جانداردىڭ حاتى العىسقا تولى.
كەنتاۋ قالالىق سوتىندا قىلمىستىق كودەكستىڭ 126-بابىنىڭ 3-بولىگى «ب» تارماعى جانە 327-بابىنىڭ 3-بولىگىمەن ايىپتالعان ورازبەك تىلەۋوۆ, مارات تىلەۋوۆ جانە ازامات قۇنانباەۆقا قاتىستى قىلمىستىق ءىس قارالعان ەدى. بۇل قىلمىستىق ءىستىڭ ءمان-جايى بارلىق باق-تا, سونىڭ ىشىندە "ەگەمەن قازاقستاندا" دا جاريالانىپ, قىلمىستىق توپتىڭ ءىس-ارەكەتتەرى اشكەرەلەنگەن بولاتىن. مىنە, وسىعان بايلانىستى اتالعان العىس حاتتا جوعارىداعى قىلمىستىق توپتان ءزابىر كورگەن كەنتاۋ قالاسىنىڭ ازاماتتارى سوتتىڭ شىعارعان ۇكىمىنە ريزاشىلىعىن بىلدىرگەن, ياعني قىجك-ءنىڭ تالاپتارىنا سايكەس, قىلمىسكەرلەرگە لايىقتى جازا قولدانىلعاندىعىنا جانە كەنتاۋ قالالىق سوتىنىڭ سۋدياسى ەركىن وسىكباەۆتىڭ كاسىبي بىلىكتىلىگىنە جوعارى باعا بەرگەن.
سوتتىڭ شىعارعان ۇكىمى بۇل قىلمىستىق وقيعاعا نۇكتە قويىپ, اق-قاراسىن ايىرىپ بەرگەن. العىس حاتتى جولداۋشى تۇرعىندار بۇگىنگى تاڭدا سوت جۇيەسى تاۋەلسىز بيلىك رەتىندە ورنىعىپ, ازاماتتاردىڭ قۇقىعىن قورعاۋدا زاڭ شەڭبەرىندە قالتقىسىز قىزمەت اتقارىپ جاتقاندىعىن العا تارتقان.
«... اتالعان ايعاقتار نەگىزىندە, وسى العىس حاتقا قول قويۋشىلار كەنتاۋ قالاسىنىڭ تۇرعىندارى سوت جۇيەسىندە ادىلدىك سالتانات قۇرىپ, اقيقاتتىڭ اق تۋىن جەلبىرەتىپ, لايىقتى جازا قولدانعانىنا كوزىمىز جەتتى. سوندىقتان جوعارعى سوت توراعاسى بەكتاس بەكنازاروۆقا جانە كەنتاۋ قالالىق سوتىنىڭ توراعاسى ەركىن وسپانوۆقا شەكسىز العىس ايتامىز. ءاردايىم حالقىمىزدىڭ قۇرمەتىنە بولەنە بەرىڭىزدەر», – دەپ تىلەك جولداپتى.
«ەگەمەن-اقپارات».