قازالى اۋداندىق پروباتسيا قىزمەتى, اۋداندىق سپورت جانە تۋريزم بولىمىمەن جانە «سامۇرىق» يننوۆاتسيالىق يدەيالاردى دامىتۋ ورتالىعى» قوعامدىق قورىمەن بىرلەسىپ اۋداندىق ءجالاڭتوس باتىر اتىنداعى ورتالىق ستاديوندا پروباتسيا قىزمەتى ەسەبىندەگى سوتتالعاندار اراسىندا قول كۇرەس, ارمرەستلينگ, تير اتۋ, شاحمات, دويبى سپورت تۇرلەرىنەن جارىس ۇيىمداستىردى.
جارىسقا پروباتسيا ەسەبىندەگى 25 سوتتالعان قاتىستى. قىزىقتى دا تارتىستى وتكەن دودادا تير اتۋدان 6 وقتىڭ 5-ەۋىنە ءدوپ تيگىزىپ, مەرگەندىك تانىتقان ب. ەسىمدى ازامات ءى ورىندى جەڭىپ السا, شاحماتتان شاپشاڭ ويلاۋ قاسيەتىمەن بارلىعىن شاڭ قاپتىرعان ا. ەسىمدى ازامات جەڭىمپاز دەپ تانىلدى. تارتىستى وتكەن دوداعا اۋداندىق سپورت ءبولىمىنىڭ قىزمەتكەرلەرى قازىلىق ەتتى. شارا سوڭىندا جارىس قورىتىندىسى بويىنشا جەڭىمپازدار مەدالدارمەن جانە كۋبوكپەن ماراپاتتالدى.
«پروباتسيا ەسەبىندەگى ازاماتتارمەن ءتۇرلى دەڭگەيلەردەگى سپورتتىق جارىستاردى جۇيەلى تۇردە ۇيىمداستىرىپ تۇرامىز. بۇل ازاماتتاردىڭ قوعامنان شەتتە قالماۋىن, سالاماتتى ءومىر سالتىن ۇستانۋعا باعىتتالعان يگى شارالار دا الداعى ۋاقىتتا ءوز جالعاسىن تاباتىن بولادى» دەدى قازالى اۋداندىق پروباتسيا قىزمەتىنىڭ باستىعى, ادىلەت پودپولكوۆنيگى ە.سراجاتوۆ.
قىزىلوردا وبلىسى بويىنشا قاجد