قازىرگى كۇندەرى الەمدە ۇيالى تەلەفونداردىڭ زاريادتاعىش قوندىرعىلارى ۇرعان توقتان زارداپ شەگۋشىلەر قاتارى كوبەيىپ كەلەدى. سوندىقتان بۇگىن امەريكانىڭ «Apple» كومپانياسى ءوز تۇتىنۋشىلارىنان زاريادتاعىش قۇرالدىڭ تەك تۇپنۇسقاسىن عانا قولدانۋلارىن سۇراپ, مالىمدەمە جاسادى. بۇل تۋرالى يتار-تاسس حابارلاپ وتىر.
كومپانيا «iPhone» ۇيالى تەلەفونىنا قاتىستى قىتايدا ورىن العان وقيعالارعا وزىندىك تەرگەۋ جۇمىستارىن جۇرگىزىپ شىقتى.
شىلدەنىڭ ورتاسىندا قىتاي تۇرعىنى ءوزىنىڭ «iPhone» ۇيالى تەلەفونىن زاريادتاماق بولعان كەزدە توققا تۇسكەن. وقيعا ورنىنا جەتكەن دارىگەرلەر ونىڭ جۇرەگى توقتاعانىن انىقتاعان. ابىروي بولعاندا, مەديكتەر 30 جاسار جىگىتتىڭ ءومىرىن ساقتاپ قالا الدى. مامانداردىڭ انىقتاعانىنداي, زاريادتاعىش قۇرال تۇپنۇسقا بولماي شىققان, وعان قوسا, ول ەكى جىلداي ۋاقىت قولدانىلىپ كەلگەن.
ەكىنشى وقيعا قىتايدىڭ سولتۇستىك-باتىسىندا ورىن العان. بۇل جولى 23 جاسار ستيۋاردەسسا توققا جالعانىپ تۇرعان تەلەفونمەن سويلەسۋ كەزىندە قازا تاپقان.
كومپانيا مالىمەتىندە تۇتىنۋشىلاردىڭ تۇپنۇسقانى جاساندى تاۋاردان اجىراتا بىلۋلەرى ءۇشىن زاريادتاعىش قۇرالدىڭ تولىق سيپاتتامالارى مەن بەلگىلەرى جازىلعان. «تۇتىنۋشىلارىمىزدىڭ قاۋىپسىزدىگى ءبىز ءۇشىن وتە ماڭىزدى. ءبىز ولاردى زاريادتاعىش قۇرالدىڭ تەك تۇپنۇسقاسىن عانا قولدانۋىمەن قاتار, تاۋاردى كورپوراتسيانىڭ ارناي دۇكەندەرىنەن عانا ساتىپ الۋعا شاقىرامىز», – دەپ جازىلدى مالىمدەمەدە.
ايدار ورىسباەۆ.