قازاقستان رەسپۋبليكاسى پارلامەنتى سەناتىنىڭ دەپۋتاتتارى, الەۋمەتتىك-مادەني دامۋ جانە عىلىم كوميتەتىنىڭ مۇشەلەرى نۇرتورە ءجۇسىپ پەن دينار نوكەتاەۆا الماتى وبلىسىنداعى جۇمىس بابىنداعى ساپار اياسىندا جامبىل اۋدانىندا بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
دەپۋتاتتار جامبىل اۋدانىنىڭ اكتيۆىمەن كەزدەستى. جۇزدەسۋ بارىسىندا حالىقتى جۇمىسپەن قامتۋ, الەۋمەتتىك قامسىزداندىرۋ جانە شاعىن جانە ورتا بيزنەستى قولداۋ ماسەلەلەرى كوتەرىلدى. سەناتورلار پروبلەمالىق ماسەلەلەر اتقارۋشى ورگانداردىڭ نازارىنا ۇسىنىلىپ, جەكە باقىلاۋعا الىناتىنىن اتاپ ءوتتى.
سەناتورلار سونىمەن قاتار اقتەرەك اۋىلىنداعى جاڭا كوپىر قۇرىلىسىمەن دە تانىستى. ولار ساپار اياسىندا جامبىل, قاراقىستاق, اققاينار, شيەن, دەگەرەس ەلدى مەكەندەرىندە بولدى.