سەنات دەپۋتاتى ساۋلە ايتپاەۆا الماتىداعى №1 قازاق مەملەكەتتىك گۋمانيتارلىق-پەداگوگتىك كوللەدجىنىڭ ۇجىمىمەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
س.ايتپاەۆا كەزدەسۋ بارىسىندا سەنات دەپۋتاتتارىنىڭ مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا جولداۋىندا بەرگەن تاپسىرمالارىن ورىنداۋ بارىسى تۋرالى ۇستازدار قاۋىمىن حاباردار ەتتى.
وقىتۋشىلار پارلامەنت دەپۋتاتتارى قابىلداعان «پەداگوگ مارتەبەسى تۋرالى» جاڭا زاڭعا نازار اۋداردى, وندا ەڭبەكاقىنى ارتتىرۋ, پەداگوگيكالىق شەبەرلىگى ءۇشىن قوسىمشا اقى ەنگىزۋ, پەداگوگتاردى وزىنە ءتان ەمەس فۋنكتسيالاردان بوساتۋ, پەداگوگتاردىڭ الەۋمەتتىك مارتەبەسىن ارتتىرۋعا مۇمكىندىك بەرۋ كوزدەلگەن بولاتىن.
ساۋلە ايتپاەۆا سونىمەن قاتار اۋىر قىلمىستار جاساۋعا, اسىرەسە كامەلەتكە تولماعاندارعا, پەدوفيلياعا, ادام ساۋداسىنا قاتىستى, جىنىستىق زورلىق-زومبىلىق جاساۋعا بايلانىستى قىلمىستىق جانە قىلمىستىق ءىس جۇرگىزۋ زاڭناماسىن قاتايتۋعا باعىتتالعان باسقا دا جاڭالىقتار تۋرالى ايتىپ بەردى.