قوعام قايراتكەرى سەرىكبولسىن ءابدىلدين ومىردەن ءوتتى

بۇل حاباردى ساياساتتانۋشى ەرلان سايىروۆ Facebook پاراقشاسىندا جازدى.

«قايعىلى حابار. قازاقستان رەسپۋبليكاسى مەملەكەت قايراتكەرى, ەكونوميكا عىلىمدارىنىڭ دوكتورى سەرىكبولسىن ءابدىلدين ومىردەن ءوتتى», - دەپ جازدى ە. سايىروۆ Facebook جەلىسىندە. 

ءابدىلدين سەرىكبولسىن – قوعام قايراتكەرى, ەكونوميكا عىلىمدارىنىڭ دوكتورى, پروفەسسور.

شىعىس قازاقستان وبلىسى, قازىرگى تارباعاتاي اۋدانى قىزىلجۇلدىز اۋىلىندا دۇنيەگە كەلگەن.

1982 – 1985 ج. قازاق كسر اۋىل شارۋاشىلىعى ءمينيسترىنىڭ ءبىرىنشى ورىنباسارى, 1985 جىلى اوك-ءنى باسقارۋ جونىندەگى رەسپۋبليكالىق جوعارى مەكتەپتىڭ رەكتورى, 1986 – 1987 جىلى قازاقستان اۋىل شارۋاشىلىعى ءمينيسترى, 1991-1993 جىلدارى قازاق كسر جوعارى كەڭەسىنىڭ توراعاسى بولدى.

1995 جىلدان - قازاق مەملەكەتتىك اگرارلىق ۋنيۆەرسيتەتىنىڭ (قازىرگى - قازاق ۇلتتىق اگرارلىق ۋنيۆەرسيتەتى) اگروبيزنەسكافەدراسىنىڭ مەڭگەرۋشىسى, پروفەسسورى قىزمەتتەرىن اتقارادى.

سەرىكبولسىن ءابدىلدا ۇلى 11-گە جۋىق عىلىمي ەڭبەك پەن 6 مونوگرافيانىڭ اۆتورى.