وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ اntikor سەرۆيستىك ورتالىعىنىڭ اشىلۋ سالتاناتىنا وبلىس اكىمى ارحيمەد مۇحامبەتوۆ, سىبايلاس جەمقورلىققا قارسى ءىس-قيمىل اگەنتتىگىنىڭ اپپارات جەتەكشىسى قۋانىش جاپاقوۆ جانە مەملەكەتتىك قىزمەتكەرلەر, ارداگەرلەر قاتىستى.
مەملەكەتتىك ورگاندار «وpen spase» فورماتىندا اشىق جۇمىس ىستەيدى, وبلىس بويىنشا ازاماتتارعا قولجەتىمدى مەملەكەتتىك قىزمەت كورسەتۋدە قولايلى جاعداي تۋعىزۋعا ارنالعان «ادالدىق الاڭى» فرونت وفيستەرى جۇمىس ىستەپ جاتىر. اشىلىپ وتىرعان اntikor سەرۆيستىك ورتالىعى دا وسى ماقساتتى جالعاستىراتىن بولادى. وبلىس اكىمى ارحيمەد مۇحامبەتوۆ جاڭا سەرۆيستىك ورتالىقتىڭ اشىلۋى قوعامىنداعى اشىقتىق پەن ادىلدىكتى قامتاماسىز ەتۋدە ماڭىزدى ەكەنىن ايتتى.
«مەملەكەت باسشىسى قاسىم-جومارت توقاەۆ قازاقستان حالقىنا جولداعان جولداۋىندا قوعامدىق ديالوگتى, اشىقتىقتى جانە ادامداردىڭ وتكىر, جەدەل ماسەلەلەرىنە دەر كەزىندە كوڭىل ءبولۋدى قۇقىق قورعاۋ جانە اتقارۋ ورگاندارىنا تاپسىرعان بولاتىن. سول تاپسىرما ۇدەسىنەن شىعۋ ءۇشىن ءبىز بىرلەسىپ وسى سەرۆيستىك ورتالىقتى اشىپ وتىرمىز. مۇندا كاسىپكەرلەر مەن جالپى تۇرعىندارعا كەڭەس بەرۋ ءۇشىن بىلىكتى ماماندار جۇمىس ىستەيتىن بولادى. جالپى سىبايلاس جەمقورلىقتىڭ الدىن الۋ ءۇشىن قارقىندى جۇمىستار جۇرگىزىلەدى» دەدى ارحيمەد بەگەجان ۇلى.
وبلىستىڭ بارلىق وڭىرىندە «وpen spase» باعىتىمەن 49 اشىق كابينەتتەر جۇمىس ىستەپ تۇر. «ادالدىق الاڭى» فرونت وفيس جوباسى شەڭبەرىندە فرونت كەڭسەلەر بۇگىنگە دەيىن قوستاناي, ارقالىق قالالارىندا, مەڭدىعارا اۋدانىندا اشىلدى. الداعى كۇندەرى ول رۋدنىي قالاسىندا دا جۇمىسىن باستايدى.
«بۇگىنگى اشىلىپ وتىرعان اntikor سەرۆيستىك ورتالىعى تەك سىبايلاس جەمقورلىققا قارسى كۇرەس قىزمەتىنە ارنالعان عانا ەمەس, قوعامداعى قولايسىز كورىنىس, ىندەت بولىپ تابىلاتىن جەمقورلىق پەن پاراقورلىققا توزە المايتىن جالپى جۇرتشىلىق, ۇيىمدار ءۇشىن جۇمىس الاڭى بولسا دەپ ويلايمىن» دەدى سىبايلاس جەمقورلىققا قارسى ءىس-قيمىل اگەنتتىگىنىڭ اپپارات جەتەكشىسى قۋانىش جاپاقوۆ. بۇل ورتالىقتان كەز كەلگەن ادام سىبايلاس جەمقورلىققا قارسى جانە ءوز قۇقىن قورعاۋ ءۇشىن زاڭدىق كەڭەستەر الا الادى.