قاسىم-جومارت كەمەل ۇلى توقاەۆ پرەزيدەنت لاۋازىمىنا كىرىسكەن العاشقى كۇننەن باستاپ حالىقپەن ساناساتىن, قوعامنىڭ ايتقانىن ەستي بىلەتىن, وعان قۇلاق اساتىن بيلىك قانا ازاماتتىق قوعامدى دامىتىپ, مەملەكەتتىلىكتى نىعايتادى, ەكونوميكانى وركەندەتىپ, حالىقتىڭ ءال-اۋقاتىن جاقسارتا الادى دەگەن بولاتىن. سوندىقتان دا مەملەكەت باسشىسى ءوز جارلىعىمەن مەملەكەت پەن قوعامنىڭ سەنىمدى ديالوگ الاڭىنا اينالعان ۇلتتىق قوعامدىق سەنىم كەڭەسىن قۇرىپ وعان ەلدەگى ساياسي پارتيالار مەن قوعامدىق بىرلەستىكتەردىڭ, ۇكىمەتتىك ەمەس ۇيىمداردىڭ وكىلدەرىن, قوعام بەلسەندىلەرىن قاتىستىرىپ, حالىقتى كوپتەن تولعاندىرىپ جۇرگەن كوكەيكەستى ماسەلەلەردى تالقىلاپ, ونىڭ شەشۋ جولدارىن قاراستىرىپ, نەبارى 3-4 اي شاماسىندا كوپتەگەن ءىس-شارا اتقاردى.
ۇلتتىق كەڭەستىڭ ناتيجەلى جانە ءتيىمدى جۇمىس ىستەۋىنە كەڭەس جۇمىسىنا مەملەكەت باسشىسىنىڭ ءوزى تىكەلەي باسشىلىق جاساپ, بارىنشا قولداۋ كورسەتىپ وتىرۋى, بۇل جۇمىسقا پرەزيدەنت اكىمشىلىگىنىڭ دە تىكەلەي اتسالىسۋى ۇلكەن اسەر ەتتى.
وسى قىسقا مەرزىمدە ق.توقاەۆ كەڭەس مۇشەلەرىمەن كەزدەسىپ, ولاردىڭ ۇسىنىس-پىكىرلەرىن اسىقپاي, زەر سالىپ تىڭداپ, پىكىرلەستى. ۇلتتىق كەڭەستە ايتىلعان كەڭەس مۇشەلەرىنىڭ ۇسىنىستارى كەڭەس مۇشەلەرى مەن باسقا دا مۇددەلى مەملەكەتتىك ورگاندار باسشىلارىنىڭ قاتىسۋىمەن پرەزيدەنت اكىمشىلىگىندەگى, ۇكىمەتتەگى باسقوسۋلاردا تەرەڭ زەردەلەنىپ, جۇيەلەنىپ, الدى ىسكە اسىرىلا باستادى. اتاپ ايتساق, 2020 جىلدىڭ 1 قاڭتارىنان باستاپ, ميكرو جانە شاعىن بيزنەستى تابىس سالىعىنان 3 جىلعا دەيىن بوساتۋ جانە ولاردى تەكسەرۋدى 3 جىلعا دەيىن توقتاتۋ, كوپ بالالى وتباسىلاردىڭ بالالارىنا بالا سانىنا قاراي قومەك بەرۋ, تۇرمىسى تومەن وتباسىلاردىڭ بالالارىنا كەپىلدەندىرىلگەن الەۋمەتتىك كومەك كورسەتۋ, تۇرعىنداردى, اسىرەسە جاستاردى باسپانامەن قامتاماسىز ەتۋدەگى جەڭىلدىكتەر, ت.ب. كوپتەگەن الەۋمەتتىك قىزمەت ىسكە اسىرىلۋدا. وسىنىڭ ءبارىن مەملەكەت باسشىسى كۇندەلىكتى جۇمىسىندا جۇيەلى قادام جاسايتىنىن, ءوز ويلارىن, ۇسىنىستارىن الدىمەن جان-جاقتى تالداپ, زەردەلەپ, اقىلداسىپ, بارىپ ايتاتىنىن, ايتقان ۇسىنىس-پىكىرلەرىن تاباندىلىقپەن, تياناقتى, سوزبۇيداعا سالماي سوڭىنا جەتكىزىپ ورىندايتىنىن كورسەتۋدە.
رەسپۋبليكا پرەزيدەنتى ق.توقاەۆتىڭ سايلاۋالدى باعدارلاماسىنداعى, ۇلىقتاۋ راسىمىندەگى, قازاقستان حالقىنا جولداۋىنداعى ايتقان سوزدەرىندەگى نەگىزگى باعىتتار ءبىر-بىرىمەن ۇشتاسىپ, كەزەك كۇتتىرمەيتىن, ءزارۋ ماسەلەلەر تۋرالى شۇعىل شەشىم قابىلدانىپ, ول قارجىمەن تولىقتاي قامتاماسىز ەتىلۋدە. كوپتەگەن باعىتتارعا الداعى جىلعى بيۋدجەتتەردە قارجى قاراستىرىلدى. بۇل حالقىمىزدىڭ ءال-اۋقاتىن كوتەرۋ ءۇشىن قابىلدانعان شەشىمدەر ءسوزسىز ورىندالادى دەگەن ءسوز. ارينە قوعامدا قوردالانىپ قالعان تۇيتكىلدى ماسەلەلەردى بىرنەشە ايدا شەشىپ تاستاۋ مۇمكىن ەمەس. دەگەنمەن, پرەزيدەنتتىڭ ۇلتتىق قوعامدىق سەنىم كەڭەسىنىڭ 2-ءشى وتىرىسىندا ايتقان جەر جانە ونى ءتيىمدى پايدالانۋ; بيۋدجەت قاراجاتىن اشىق باقىلاۋ; كۆازيمەملەكەتتىك سەكتوردىڭ باسشىلىعىنا ازاماتتىق قوعام وكىلدەرىن ەنگىزۋ; ەل ەكونوميكاسىندا مەملەكەتتىك كاسىپورىنداردىڭ ۇلەسىن قىسقارتۋ; شەتەلدىك جۇمىس بەرۋشىلەر تاراپىنان ءبىزدىڭ ازاماتتاردى كەمسىتۋگە جول بەرمەۋ; شەتەلدىك جۇمىس كۇشىن قىسقارتۋ; بيۋدجەت قارجىسىنىڭ, سىرتقى قارىزداردىڭ, ۇلتتىق بانك باعام ساياساتىنىڭ اشىقتىعىن قامتاماسىز ەتۋ; ءىرى ترانزاكتسيالار بارىسىندا تولەمدى قولما-قول اقشاسىز فورماتقا كوشىرۋ تۋرالى جانە تاعى باسقا ماسەلەلەرى دە جان-جاقتى پىسىقتالىپ, 2020 جىلى ىسكە اسىرۋ ءۇشىن ورىنداۋ مەرزىمدەرى ناقتىلانىپ, ۇكىمەتكە تاپسىرىلدى.
ۇلتتىق قوعامدىق سەنىم كەڭەسىنىڭ وسى وتىرىسىندا مەملەكەت باسشىسى ق.توقاەۆ قوعامدى دەموكراتيالاندىرۋعا ەرەكشە نازار اۋداردى. پرەزيدەنتتىڭ پىكىرىنشە, ميتينگ وتكىزۋ مəدەنيەتىن قوعامدىق ساناعا سىڭىرەتىن ۋاقىت كەلدى. قوعامعا دا, مەملەكەتكە دە ءوز ۇستانىمدارىن اشىق ايتۋعا بەيىمدەلەتىن كەز جەتتى. سوندىقتان دا ەگەر ولار زاڭ اياسىنان شىقپايتىن جəنە ازاماتتارىمىزدىڭ تىنىشتىعىن بۇزبايتىن بولسا, رۇقسات ەتىلەتىن ميتينگىلەردى ۇيىمداستىرۋدا ەسكەرتۋ قاعيداتىن ەنگىزۋدى قولعا الۋ كەرەك. بىراق ەلىمىزدىڭ ءاربىر ازاماتى ميتينگى وتكىزۋ تەك ءوز قۇقى ەمەس, ۇلكەن جاۋاپكەرشىلىك ەكەنىن دە تۇسىنگەنى ءجون. سوندىقتان زاڭسىز əرەكەتتەرگە تىيىم سالىناتىن بولادى.
كەڭەستە پارتيالارعا قاتىستى زاڭعا وزگەرىس ەنگىزۋ تۋرالى ايتىلدى. پارتيا قۇرۋ ءۇشىن تىركەۋ شەگى بۇرىنعىداي 40 مىڭ ەمەس, 20 مىڭ ادام بولسا جەتكىلىكتى. پارتيا قاتارىنان سايلاناتىن ازاماتتار تىزىمىندە əيەلدەر مەن جاستار سانىن 30 پايىزعا جەتكىزۋ كوزدەلۋدە. ەلىمىزدە العاش رەت مەملەكەت باسشىسىنىڭ ءوزى پارلامەنتتىك وپپوزيتسيا بولۋى كەرەك ەكەنى تۋرالى ايتتى.
ۇلتتىق قوعامدىق سەنىم كەڭەسىندە مۇنداي ناقتى ۇسىنىستار مەن شەشىمدەردىڭ قابىلدانۋى – قوعامىمىزدىڭ العا باسۋىنىڭ ايعاعى جانە بيلىككە دەگەن قوعام سەنىمىنىڭ ارتۋى. مۇنى قىسقا مەرزىم ىشىندەگى بيلىك پەن قوعام اراسىنداعى ۇلكەن جەتىستىك دەپ ايتۋعا تولىق بولادى.
قۋانىش ايتاحانوۆ,
قوعام قايراتكەرى