باس پروكۋراتۋرا جىلدى قورىتىندىلادى

باس پروكۋرور اتاپ وتكەندەي, ەلدەگى كريمينوگەندىك جاعداي جاقسارعان. وتكەن جىلمەن سالىستىرعاندا قىلمىستىق قۇقىق بۇزۋشىلىقتار سانى 17 %-عا ازايدى. كىسى ءولتىرۋ 11%-عا, بۇزاقىلىق 28%-عا, ەسىرتكى قىلمىسى 12%-عا قىسقارعان.  

ء«بىز كەز كەلگەن زاڭ بۇزۋشىلىقتارعا دەر كەزىندە توتەپ بەرۋگە ءتيىسپىز. ەڭ ءتيىمدىسى ولارعا جول بەرمەۋ», – دەدى باس پرو­­كۋرور. ول, قۇقىق بۇزۋ­شىلىق­تىڭ الدىن الۋ ماسەلەلەرىنە ەگجەي-تەگ­جەيلى توقتالىپ ءوتتى.  

القا وتىرىسىندا قوعامدىق مۇددە­لەردى قورعاۋ سالاسىنداعى تەكسەرۋلەردىڭ ناتيجەلەرى ايتىلدى.  پروكۋرورلاردىڭ كومە­گىمەن 30 مىڭ قىزمەتكەردىڭ جالا­قىسى وتەلگەن. بەرەشەكتىڭ جالپى سوماسى 2 ملرد تەڭگەدەن استام.  

پروكۋرورلىق ىقپال ەتۋ اكتىلەرى بويىنشا 17 مىڭنان استام ادام ءارتۇرلى جاۋاپكەرشىلىككە تارتىلدى. مەملەكەت كىرىسىنە 30 ملرد تەڭگە ءوندىرىلىپ الىنعان. 37 مىڭ پايدالانىلمايتىن جەر تەلىمدەرى كەرى قايتارىلدى.

سوتتاردا 47 ملرد تەڭگە سوماسىندا مەملەكەتتىڭ مۇددەسى قورعالعان. 

باس پروكۋرور مەملەكەت باسشىسى جولداۋىنىڭ نەگىزگى باعىتتارىنا اي­رىقشا ءمان بەردى. قىلمىستىق پروتسەستە زاڭدىلىقتى قامتاماسىز ەتۋدە جانە ادام قۇقىقتارىن ساقتاۋدا پروكۋرورلاردىڭ ۇيلەستىرۋشى رولىنە باسا نازار اۋداردى.

وسى جىلى پروكۋرورلار 219 ادامدى نەگىزسىز قۋدالاۋدى توقتاتتى. قىزمەتتىك ءۇي-جايلاردان جانە يزولياتورلاردان 725 زاڭسىز ۇستالعان ادام بوساتىلعان. 

پروكۋرورلاردىڭ وتىنىشتەرى مەن نارازىلىقتارى بويىنشا سوتتار 1172 ازاماتقا قاتىستى ۇكىمدى قايتا قارادى. پروكۋرورلاردىڭ باستاماسىمەن  36 ادام اقتالعان. 

قاداعالاۋ ورگانىنىڭ جۇمىسىن قورىتىندىلاي كەلە, عيزات نۇرداۋلەتوۆ ازاماتتاردىڭ كونستيتۋتسيالىق قۇقىق­تارىن قورعاۋ, قوعامدا قۇقىقتىق ءتارتىپتى قامتاماسىز ەتۋ بويىنشا بارلىق كۇش-جىگەردى جۇمساۋدى تاپسىردى.

«پروكۋراتۋرا ورگاندارىنىڭ قولجە­تىمدىلىگىن ودان ءارى ارتتىرۋ قاجەت. ءاربىر ارىز بويىنشا جەدەل ءارى تىنىمسىز جۇ­مىس ىستەۋ كەرەك.  جۇرتشىلىقپەن ەتەنە قا­رىم-قاتىناس – نەگىزگى باسىمدىقتاردىڭ ءبىرى. ءبىز رەسمي كوزقاراستان مۇلدەم ارىلۋى­مىز قاجەت», – دەپ تۇيىندەدى ءسوزىن باس پروكۋرور.

القا وتىرىسىنىڭ قورىتىندىسى بويىنشا قاداعالاۋ ۆەدومستۆوسىنىڭ باسشىسى الداعى جىلعا ارنالعان باسىم مىندەتتەردى ايقىنداپ, نەگىزگى باعىتتاردى بەلگىلەدى.