بۇكىل الەمدە جىل سايىن جۇرەك-تامىر اۋرۋلارىنان بىرنەشە ميلليون ادام كوز جۇمادى. دۇنيەجۇزىلىك دەنساۋلىق ساقتاۋ ۇيىمىنىڭ ستاتيستيكاسى بويىنشا 2016 جىلى جۇرەك-قان تامىرلارى اۋرۋلارىنان 17,9 ميلليون ادام قايتىس بولدى, بۇل الەمدەگى بارلىق ءولىمنىڭ 31% -ىن قۇرادى. بۇل ولىمدەردىڭ 85 %-ى ميوكارد ينفاركتى مەن ينسۋلت سالدارىنان بولدى. جۇرەك اۋرۋلارى - الەمدىك ماڭىزى بار, اتاپ ايتقاندا, قازاقستان دەنساۋلىق جۇيەسىنىڭ ماڭىزدى ماسەلەسى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
ۇلتتىق شۇعىل مەديتسينانى ۇيلەستىرۋ ورتالىعىنىڭ دەرەكتەرى بويىنشا قازاقستاندا 2019 جىلدىڭ 11 ايىندا ۇشىپ شىعۋدىڭ ەداۋىر كوپ ۇلەسى قان اينالىم جۇيەسىنىڭ اۋرۋلارى بار پاتسيەنتتەرگە مەديتسينالىق كومەك كورسەتۋ ءۇشىن ورىندالدى جانە ساناۆياتسيانىڭ بارلىق ۇشىپ شىعۋىنىڭ 18,6 %-ىن (500-دەن استام پاتسيەنت) قۇرادى.
جاقىندا ءۇشمۇو كۇشىمەن جۇرەكتىڭ يشەميالىق اۋرۋىمەن 1954 جىلى تۋعان اتىراۋ وبلىسىنىڭ تۇرعىنى تاسىمالداندى. 2019 جىلعى 14 جەلتوقساندا كەشكە دەنساۋلىق جاعدايىنىڭ ناشارلاۋىنا شاعىمدانعان ەر ادام تۇرعىلىقتى جەرى بويىنشا جەدەل مەديتسينالىق كومەك قىزمەتىنە جۇگىندى جانە وعان دەرەۋ مەديتسينالىق كومەك كورسەتىلگەن ورتالىق اۋداندىق اۋرۋحاناعا ەمدەۋگە جاتقىزىلدى.سانيتاريالىق اۆياتسياچ جەلىسى بويىنشا ترومبوليتيكالىق تەراپيا جۇرگىزىلگەننەن كەيىن پاتسيەنت قاجەتتى ەمدەۋ العان اتىراۋ وبلىستىق كارديولوگيالىق ورتالىعىنا جەتكىزىلدى. الايدا, جاي-كۇيىنىڭ ناشارلاۋى سالدارىنان نۇر-سۇلتان قالاسىنداعى ۇلتتىق عىلىمي مەديتسينالىق ورتالىعىنا شۇعىل اۋىستىرۋ قاجەت بولدى. وسىلايشا, 21 جەلتوقسان ساعات 23:58-دە سانيتاريالىق اۆياتسيانىڭ اۋە كەمەسىنىڭ بورتىندا دارىگەرلەر مەن فەلدشەردىڭ باقىلاۋىمەن پاتسيەنت نۇر-سۇلتان قالاسىنا ءساتتى تاسىمالدانىپ, جەدەل ەم جۇرگىزۋ ءۇشىن مەديتسينالىق مەكەمەگە جەتكىزىلدى.
شۇعىل مەديتسينالىق كومەك كورسەتۋ قۇرىلىمىندا قازاقستان رەسپۋبليكاسىنىڭ ۇلتتىق ۇيلەستىرۋ ورتالىعىنا ەرەكشە مىندەت بولىنگەن. شۇعىل جاعدايلار تۋىنداعان كەزدە سانيتاريالىق اۆياتسيا قىزمەتى پاتسيەنتتى باسقا كولىككە قاراعاندا شالعاي نەمەسە جەتۋى قيىن جەرلەردەن كلينيكاعا الدەقايدا جىلدام جانە قاۋىپسىز جەتكىزەدى, بۇل ءبىزدىڭ ەلدە بىلىكتى مەديتسينالىق كومەك كورسەتۋدىڭ قولجەتىمدىلىگى مەن ساپاسىن ءسوزسىز ارتتىرادى.