ەلوردا اكىمى التاي كولگىنوۆ بايقوڭىر اۋدانىنىڭ تۇرعىندارىمەن كەزەكتى رەت كەزدەسۋ وتكىزدى. ەكى ساعاتقا سوزىلعان كەزەسۋدە تۇرعىندار 70-كە جۋىق سۇراق قويدى. «اشىق ميكروفون» فورماتىندا تۇرعىندار الەۋمەتتىك نىسانداردىڭ قۇرىلىسى, ەلدى-مەكەندەر مەن قوعامدىق كولىكتى دامىتۋ, كوشەلەردى اباتتاندىرۋ, جارىقتاندىرۋ, سانيتارلىق تازالاۋ جانە ت. ب. وزەكتى ماسەلەلەردى كوتەردى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
ء«وندىرىس» ەلدى-مەكەنىنىڭ تۇرعىندارى جاڭا مەكتەپ سالۋ ماسەلەسىن كوتەردى. ەلوردا اكىمى التاي كولگىنوۆ بۇل ەلدى-مەكەندە مەكتەپتىڭ قۇرىلىسىن 2021 جىلى باستاۋ جوسپارلاپ وتىرعانىن ايتتى.
ء«بىز جينالىپ وتىرعان ءبىلىم بەرۋ نىسانى ا. قۇنانباەۆ اتىنداعى №87 مەكتەپ. مەكتەپ وسى وقۋ جىلىنىڭ باسىندا اشىلدى. وقۋ ورنى 900 ورىنعا ەسەپتەلگەن. مەكتەپ №5 جانە №16 مەكتەپتەردىڭ شامادان تىس جۇكتەلۋى ماسەلەسىن شەشۋگە مۇمكىندىك بەردى. 2020 جىلى بايقوڭىر اۋدانىنىڭ س. سەيفۋللين – سىرداريا كوشەسىندە ءبىر مەكتەپ جانە مەكتەپتەردىڭ اۋماعىندا 3 جاڭا كورپۋس سالۋ جوسپارلانىپ وتىر. قالادا جىل سايىن كەمىندە 10 مەكتەپ سالۋ قاجەت. وقۋ ورىندارىنىڭ قۇرىلىسىنا جەكە ينۆەستورلار تارتۋ بويىنشا بەلسەندى جۇمىس جۇرگىزەمىز», دەدى قالا اكىمى التاي كولگىنوۆ.
بايقوڭىر اۋدانىندا بارلىعى 43 ءبىلىم بەرۋ نىسانى بار, ونىڭ ىشىندە: 2 جوعارى وقۋ ورنى, 8 كوللەدج, 19 مەملەكەتتىك مەكتەپ جانە 14 بالاباقشا.
تۇرعىندار كوتەرگەن ماسەلەلەردىڭ ءبىر بولىگىنە زاڭ اياسىندا تۇسىنىكتەمە بەرىلسە, قالعاندارى جۇمىسقا الىندى. كەشە ەلوردا اكىمى التاي كولگىنوۆ ەسىل اۋدانىنىڭ تۇرعىندارىمەن كەزدەستى. وسىنداي اشىق فورماتتاعى حالىقپەن كەزدەسۋلەر جۇيەلى تۇردە وتكىزىلەتىن بولادى.