حالىقارالىق فۋتبول فەدەراتسياسىنىڭ (فيفا) رەسمي سايتىندا فۋتبولدان ۇلتتىق قۇرامالاردىڭ جەلتوقسان ايىنا ارنالعان رەيتينگى جاريالاندى. جاڭارتىلعان تىزىمدە قازاقستان جىلدى 118-ورىنمەن تۇيىندەدى. ۇلتتىق قۇراما قورجىنىندا 1155 ۇپاي بار.
وزگە قۇرامالارمەن سالىستىرار بولساق, فارەر ارالدارى (110-ورىن), موزامبيك (105), ماۆريتانيا (100), كيپر (95), ماداگاسكار (91), وزبەكستان (85), كيۋراساو (80) سەكىلدى ەلدەر بىزدەن جوعارى ورىنعا جايعاسقان. ال رەيتينگتىڭ كوشىن 1765 ۇپايمەن بەلگيا قۇراماسى باستاپ تۇر. بىلتىرعى الەم چەمپيوندارى – فرانتسيا (1733) ەكىنشى, امەريكا كۋبوگىنىڭ يەگەرى برازيليا (1712) ۇزدىك ۇشتىكتى قورىتىندىلاپ تۇر.
قازاقستان قۇراماسى 2019 جىلى ەۋرو-2020 ىرىكتەۋ كەزەڭىنە قاتىسىپ, التى ەلدىڭ ىشىندە 5-ورىن يەلەندى. ميحال بيلەكتىڭ شاكىرتتەرى ءۇش رەت جەڭىسكە جەتىپ, ءبىر رەت تەڭ ءتۇستى. سونداي-اق التى ويىندا جەڭىلىستىڭ كەرمەك ءدامىن تاتتى. 10 ويىندا 10 ۇپاي جيناعان وتانداستارىمىز قارسىلاس قۇرامانىڭ قاقپاسىنا 13 گول سوعىپ, قاقپامىزعا 17 گول وتكىزىپ الدى.