تەك بيىلدىڭ وزىندە وسىنداي 159 وقيعا تىركەلگەن. بۇل تۋرالى «سەۆكازەنەرگو» اق-نىڭ ماماندارى جۋرناليستەرمەن وتكەن بريفينينگتە مالىمدەدى.
باق وكىلدەرىن باسپاناسىنا ەلەكتر ەنەرگياسىن وزدىگىنەن قوسىپ العان قىزىلجار اۋدانىنىڭ تۇرعىنى ۆالەري مەركۋشينمەن اراداعى تارتىس ەرەكشە قىزىقتىردى. زاڭسىزدىقتى انىقتاعان كومپانيا قىزمەتكەرلەرى وعان 650 مىڭگە تەڭگە كولەمىندە ايىپپۇل سالعان. تۇتىنۋشى بۇل شەشىممەن كەلىسپەي سوتقا جۇگىنگەنىمەن جەڭىلىس تاپقان. وسىنداي كەلەڭسىز جاعدايلار باسقا تۇرعىندار تاراپىنان كەزدەسكەن.
«كوبىنە ەسەپتەۋ قۇرىلعىسىنا جالعانعان كابەل زاقىمدانىپ جاتادى. بۇعان قوسا ەسەپتەگىش قۇرىلعىعا قوسىمشا سىم جالعاپ, ونى ءۇي مەن ورامعا تارتىپ الادى. الداعى ۋاقىتتا دا تەحنيكالىق تالاپتاردى ورەسكەل بۇزىپ, ەسەپسىز ەلەكتر ەنەرگياسىن زاڭسىز پايدالانۋشىلار قاتاڭ جازالاناتىن بولادى», دەيدى «سولتۇستىك قازاقستان ەلەكتر جەلىلەرىن تاراتۋ كومپانياسى» اق باس ديرەكتورىنىڭ ورىنباسارى ەۆگەني پوليتكين.
سولتۇستىك قازاقستان وبلىسى