ورىس جازۋشىسى الەكساندر بەكتىڭ تاڭداۋلىشىعارماسىنىڭ باستى كەيىپكەرى – قازاق حالقىنىڭداڭقتى ۇلى باۋىرجان مومىش ۇلى. وسى شىعارمادا اتى اڭىزعا اينالعان قولباسشىنىڭۇلتتىق مىنەزى مەن قاھارماندىق ءىس-ارەكەتى تەرەڭاشىلىپ, كوركەم شەشىمىن تاپقان. وقىرمانعا قايتاجول تارتقان تۋىندىنىڭ تۇساۋىن قازاقستاننىڭحالىق جازۋشىسى, مەملەكەتتىك سىيلىقتىڭلاۋرەاتى ءابدىجامىل نۇرپەيىسوۆ كەستى.
وقىرمان مەن كەيىپكەر اراسىنداعى بايلانىستىڭ سانادا قايتا جاڭعىرۋىنا سەبەپكەر بولعان باس قوسۋ «رۋحاني جاڭعىرۋ» باعدارلاماسى شەڭبەرىندە ءوتتى.
«كۇنى بۇگىنگە دەيىن وقىلىپ كەلە جاتىر. سوعان قاراعاندا ءبىر جاعىنان بۇل – باقىتتى كىتاپ. تاربيەلىك ءمانى وتە زور: وتان قورعاۋشىلىق, ەلىن, جەرىن سۇيۋگە ارنالعان. سوداي كەيىن ەر ازاماتتىڭ مىنەزىن قالىپتاستىرۋدا, ونىڭ ەلىنە, جەرىنە دەگەن, ەلىنە يە بولاتىن, حالقىنا قورعان بولاتىن ازاماتتى تاربيەلەۋدە ءرولى وتە زور دەپ ويلايمىن», - دەدى باۋىرجان مومىش ۇلىنىڭ كەلىنى زەينەپ احمەتوۆا.
سول كەزدە بۇل كىتاپ دۇنيەجۇزىنە كەڭ تاراعان كوركەم دۇنيەلەردىڭ ءبىرى ەدى. شىعارما سوعىستان كەيىنگى از عانا ۋاقىتتىڭ ىشىندە چەح, گرەك, فرانتسۋز, نەمىس, پولياك, ۆەنگر, فين, رۋمىن, كورەي, جانە اعىلشىن تىلدەرىنە اۋدارىلىپ, دۇنيەجۇزىندەگى كىتاپقۇمارلاردىڭ ءسۇيىپ وقيتىن تۋىندىسىنا اينالعان. باۋىرجان مومىش ۇلىنىڭ تىكەلەي ارالاسۋىمەن جازىلعان تۋىندى – جاستاردىڭ بويىنداعى رۋحىن وياتىپ, وتانشىلدىققا تاربيەلەيتىن تاماشا دۇنيە.
سەبەبى «ۆولوكولامسك تاس جولى» كىتابى كوركەم قيالدان جاسالاتىن ۇيرەنشىكتى ادەبي تۋىندى ەمەس, پانفيلوۆشىلاردىڭ اتى-جوندەرى تولىق ساقتالىپ, ولار قاتىسقان ۇرىستار سول قالپىندا سۋرەتتەلەتىن اسكەري-دوكۋمەنتتى شىعارما. ساراپشىلار «كىتاپ ءۇشىن تەك الەكساندر بەك قانا جاۋاپ بەرىپ قويمايدى, سونىمەن بىرگە كىتاپتىڭ شىندىعى ءۇشىن پانفيلوۆشىلاردىڭ ارۋاعى الدىندا,تاريح الدىندا جانە زامانداستار الدىندا باۋىرجان مومىش ۇلى قوسا جاۋاپ بەرەدى» دەگەن پىكىرگە ءجيى باسىمدىق بەرەدى. سوندىقتان, بۇگىن وقىرمان نازارىنا قايتا ۇسىنىلىپ وتىرعان شىعارمانى كەلەر ۇرپاق تا دوستىق جانە ادالدىقتىڭ ولشەمىنىڭ جىلناماسى دەپ قابىلدايتىنى انىق.