كەنشىلەر استاناسىندا «Senim 109» بىرىڭعاي بايلانىس ورتالىعى سىنامالى رەجىمدە جۇمىس ىستەي باستادى, دەپ حابارلادى وبلىس اكىمىنىڭ ءباسپاسوز قىزمەتى.
بۇل جەردە قالا تۇرعىندارى كوممۋنالدىق ماسەلەلەرگە, مەديتسينالىق قىزمەتتەرگە, ءبىلىم بەرۋ, قوعامدىق كولىك جۇمىسىنا جانە باسقا دا پروبلەمالارعا قاتىستى سۇراقتارى مەن ۇسىنىستارىن جانە شاعىمدارىن ايتا الا الادى.
بارلىق وتىنىشتەردى ماماندار وڭدەپ, ءتيىستى مەملەكەتتىك ورگاندارعا جەتكىزىپ وتىرادى. مەكەمەلەر شاعىمنىڭ سەبەبىن قىسقا مەرزىمدە انىقتاپ, كەمشىلىكتەردى جويۋعا مىندەتتى بولادى.
بايلانىس ورتالىعىنا ۇيالى جانە قالالىق تەلەفوننان «109» ءنومىرى بويىنشا قوڭىراۋ شالۋعا بولادى. جۇيەگە قاراعاندى قالاسىنىڭ 60-تان استام مەملەكەتتىك مەكەمەسى تىركەلگەن. وپەراتورلار دەمالىس جانە مەرەكە كۇندەرى ساعات 8.00-دەن 20.00-گە دەيىن جاۋاپ بەرەدى.
سونداي-اق بايلانىس ورتالىعىنا Facebook الەۋمەتتىك جەلىسىندەگى «Senim 109» پاراقشاسى ارقىلى شىعىپ, حابارلاسۋعا بولادى. الەۋمەتتىك جەلىلەردەگى بارلىق حابارلامالار #senim109 حەشتەگىمەن بەلگىلەنىپ, 25 سيمۆولدان كەم بولماۋى ءتيىس. شاعىم مەن ۇسىنىستى senim109.kz Telegram بوت-قا جانە senim109.kz ينتەرنەت-پورتالىنا جىبەرۋگە مۇمكىندىك بار.
ازىرگە بىرىڭعاي بايلانىس ورتالىعىنىڭ قىزمەتى قاراعاندىلىقتاردان عانا وتىنىشتەر قابىلداي الادى. الداعى ۋاقىتتا سەرۆيستى وبلىستىڭ بارلىق تۇرعىندارى ءۇشىن قولجەتىمدى ەتۋ جوسپاردا بار.