ونەرتانۋشى-زەرتتەۋشى عالىم بولات سارىباەۆ پەن ورازعازى بەيسەنبەك ۇلىنان ءتالىم العان, بۇگىندە ءوزى شاكىرت تاربيەلەپ, ونەردىڭ بايگەسىنە قوسىپ جۇرگەن شەبەر-ۇستازدىڭ ءدارىسى تالىمگەرلەر ءۇشىن باعالى.
جوعارعى ساناتتى شەبەر-وقىتۋشى ماقسۇت يبادۋللاەۆ سىنىپتان تىس كەزدە دە ستۋدەنتتەردىڭ شىعارماشىلىق تۇرعىدان شىڭدالۋىنا كۇش-جىگەرىن اياعان ەمەس. وسى جولى دا اسا دايىندىقپەن كەلگەن ماقسۇت جولداس ۇلى الماتى قۇرىلىس جانە حالىقتىق كاسىپشىلىك كوللەدجىنىڭ وڭدىرىستىك وقىتۋ شەبەرحاناسىندا «تەنور دومبىرانىڭ نەگىزگى بولىكتەرى» شەبەرلىك ساعاتىن ونەرتانۋشى-زەرتتەۋشى عالىم بولات سارىباەۆتىڭ ورىنداۋىندا ۇلتتىق مۋزىكالىق اسپاپتارىنىڭ بىرنەشە اۋديو جازباسىن تىڭداۋدان باستادى. مۋزىكانىڭ ۇنىنەن اسپاپتىڭ وزىنە ءتان ەرەكشەلىگىن اڭعارۋعا بولاتىنىن, سونداي-اق قازاق حالقىنىڭ كەڭ تاراعان مۋزىكالىق اسپابى تەنور-دومبىرانىڭ نەگىزگى بولىكتەرىنىڭ اتاۋلارىن, اتقاراتىن قىزمەتىن, ولشەمدەرىن, جاسالاتىن اعاش ماتەريالدارى تۋرالى كەڭىنەن اقپارات بەرىپ ءوتتى.
دومبىرانىڭ نەگىزگى بولىكتەرى
تەنور دومبىرانىڭ نەگىزگى بولىكتەرى جانە قۇرىلىسىنىڭ سىزباسى:
باسى – ۇزىندىعى – 90 مم, قالىڭدىعى –10 مم قاتتى اعاشتان جاسالادى.
دايىنداماسىنىڭ ۇزىندىعى -160 مم. وعان قۇلاقتاردى ورناتادى.
مويىنى – ۇزىندىعى - 480 مم, جۇمساق اعاشتارعا قاتتى اعاشتان وزەك سالىپ جاسايدى. مويىن, دومبىرا كەۋدەسىنىڭ شاناقتارىن, مويىن جاپسىرمانى جانە باسى جاپسىرىلاتىن نەگىزگى بولشەكتىڭ ءبىرى.
كەۋدەسى – ۇزىندىعى – 400 مم, ەنى – 240 مم, بيىكتىگى – 120 مم, تۇتاس اعاشتان شاۋىپ نەمەسە 7 نە 9 شاناقتان قۇراستىرىپ جاسايدى. شاناقتى قاتتى اعاشتان كەسىپ دايىندايدى.
دومبىرانىڭ مويىنىن, اركاسىن, تۇيمە تۇعىرىن جاساپ, قالىپقا ورناتۋ. شاناقتارىن ارنايى پەشتە, قالىپقا سايكەس يۋ, شاناقتاردى ولشەمدەرى بويىنشا بەلگىلەپ, كەسۋ, شاناقتاردى جونىپ, سۇرگىلەۋ.
دومبىرانىڭ كەۋدەسىن قۇراستىرۋ, شاناقتاردى جەلىممەن بىرىكتىرىپ, بايلاۋ دومبىرانىڭ مويىن جاپسىرماسى مەن بەتتاقتايىن جەلىممەن جاپسىرىپ, بايلاۋ. كەپكەننەن كەيىن وڭدەۋ.
الماتى