«رۋحاني جاڭعىرۋ» باعدارلاماسى اياسىندا جانە ابايدىڭ 175 جىلدىق مەرەيتويى قارساڭىندا ۇلى اقىندى حالقىنا جاقىنداستىرا ءتۇسۋدىڭ, مۇرالارىنىڭ تىنىسىن اشىپ, يگىلىككە جاراتۋدىڭ تاعى ءبىر ءىرى قادامى جاسالدى.
قازاقستان جازۋشىلارى كىتاپحاناسىندا اباي كلۋبىنىڭ رەسمي اشىلۋى ءوتتى. سالتاناتتى راسىمگە قاتىسقان مۇحتار اۋەزوۆ اتىنداعى ادەبيەت جانە ونەر ينستيتۋتى ابايتانۋ ءبولىمىنىڭ مەڭگەرۋشىسى, پروفەسسور سەرىكقازى قوراباي, ادەبيەتتانۋشى عالىم, اباي اتىنداعى قازۇپۋ-دiڭ پروفەسسورى مارات بەكبوسىن, قازاقستان جازۋشىلار وداعىنىڭ مۇشەسى, تانىمال اقىن مۇراتحان شوقان, كىتاپحانا مەڭگەرۋشىسى ەلەنا اعايسا «اباي» كلۋبىنىڭ لەنتاسىن قيدى.
مەرەكەلىك ءىس-شارانى سەرىكقازى قوراباي جۇرگىزدى. جيىن بارىسىندا ادەبيەتتانۋشىلار مەن اقىن-جازۋشىلار, ابايدىڭ اعاسى تاكەجاننىڭ بەسىنشى ۇرپاعى, الماتى قالاسى اكىمدىگى «تىلدەردى دامىتۋ جانە لاتىن گرافيكاسىنا كوشۋ» ءبولىمىنىڭ باس مامانى ەركەجان سەيتقازى تىڭ ويلارىن ورتاعا سالدى.
«اباي ءالى دە ناسيحاتتالۋى» كەرەك ەكەنىن ايتتى. اسىرەسە, وسكەلەڭ ۇرپاق ۇلى اقىن تۋرالى ءبىلۋى ءتيىس.
جاستار حاكىم ابايدىڭ ولەڭدەرى مەن قاراسوزدەرىن وقىپ, اندەرىن شىرقاپ, كورىنىستەر كورسەتتى. كىتاپحانا مەڭگەرۋشىسى ابايدىڭ شىعارمالارىنا ارنالعان كىتاپ كورمەسىمەن تانىستىرىپ, ابايدىڭ قارا سوزدەرىنەن مىسال كەلتىرىپ, كلۋب جۇمىسىنا ساتتىلىك تىلەدى.
الماتى