تاۋەلسىزدىك مەرەكەسىنە وراي سىر وڭىرىندە بىرنەشە نىسان پايدالانۋعا بەرىلدى. شيەلى اۋدانىندا جاڭا اۋرۋحانانىڭ اشىلۋ سالتاناتىنا وبلىس اكىمى قۋانىشبەك ىسقاقوۆ پەن دەنساۋلىق ساقتاۋ ۆيتسە-ءمينيسترى ولجاس ابىشەۆ قاتىستى.
قۇرىلىسى 2017 جىلدىڭ جەلتوقسان ايىندا باستالعان اۋرۋحانانىڭ جوبالىق قۇنى 5 ملرد 5 ملن تەڭگە. جاڭا مەديتسينالىق مەكەمەدە بارلىق قىزمەت ءتۇرى كورسەتىلەدى. اۋرۋحانا قولدانىستا بۇرىن دا بولعان, بىراق, قازىر قىزمەتى بىرنەشە ەسە جەتىلدىرىلگەن لاپروسكوپيالىق وتا جاسايتىن ۆيدەوستويكا, شالا تۋعان نارەستەلەردى بىرقالىپتى جىلۋدا ۇستاپ تۇراتىن كيۋۆەز سەكىلدى جاڭا تەحنيكالىق جابدىقتارمەن قامتىلعان.
ايماق باسشىسى اۋدان حالقىن جاڭا نىساننىڭ اشىلۋىمەن قۇتتىقتاپ, سىر ءوڭىرى الەۋمەتتىك سالاعا قارجى بولۋدەن ايماقتار اراسىندا كوش باستاپ تۇرعانىن اتاپ ءوتتى.
- الەۋمەتتىك سالاداعى ەڭ ماڭىزدى باعىت - دەنساۋلىق ساقتاۋ قىزمەتىنىڭ ساپاسى مەن ونىڭ قولجەتىمدىلىگىن قامتاماسىز ەتۋ. مەملەكەت باسشىسى «اقىلدى قالالار», تسيفرلىق اكتيۆتەر قۇرالدارى سياقتى تىڭ تەحنولوگيالىق قۇبىلىستارعا بەيىمدەۋ, تسيفرلىق قىزمەتتەردىڭ جاھاندىق نارىعىنا قاتىسۋ ءۇشىن اشىق يۋريسديكتسيا رەتىندە وزىندىك برەندكە اينالۋى ءتيىس دەپ تاپسىرعان بولاتىن. وسى ورايدا, ايماعىمىزداعى مەديتسينالىق ورتالىقتار تسيفرلىق قىزمەت كورسەتۋ جۇمىسىنا كوشتى. بارشاڭىزدى ازاماتتارىمىزدىڭ دەنساۋلىعىن جاقسارتاتىن جاڭا اۋرۋحانانىڭ اشىلۋىمەن قۇتتىقتايمىن, - دەدى ءوڭىر باسشىسى.
ەمدەۋ مەكەمەلەرىنىڭ ماتەريالدىق تەحنيكالىق بازاسىن جاقسارتۋ ماقساتىندا اۋدانارالىق اۋرۋحانانىڭ جاڭا عيماراتىنا قۇنى 2 ملرد 226 ملن تەڭگە بولاتىن قۇرال-جابدىقتار بەرىلىپ وتىر.
دەنساۋلىق ساقتاۋ ۆيتسە-ءمينيسترى ولجاس ابىشەۆ 2025 جىلعا دەيىن وبلىس ورتالىعىندا عانا ەمەس, اۋدان مەن ەلدى مەكەندەردە دە جاڭا اۋرۋحانالار سالۋ جوسپاردا تۇرعاندىعىن جەتكىزدى. مينيستر ورىنباسارى مىندەتتى الەۋمەتتىك مەديتسينالىق ساقتاندىرۋ باستاماسى مەملەكەت تاراپىنان ازاماتتارعا جاسالعان ۇلكەن قولداۋ ەكەندىگىن دە اتاپ ءوتتى.