بۇعان دەيىن حابارلاعانىمىزداي, 15 شىلدەدە اتىراۋ قالاسىنداعى بەس قاباتتى ءۇيدىڭ شاتىرىن ءورت شالعان بولاتىن. ەندى وسى ءۇيدىڭ شاتىرىنا تەرموجاڭعىرتۋ باعدارلاماسىمەن جاڭعىرتۋ جۇمىستارىن جۇرگىزگەن كومپانيا ۇستىنەن قىلمىستىق ءىس قوزعالعانى بەلگىلى بولدى. بۇل تۋرالى وبلىستىق اكىمدىكتە وتكەن ماجىلىستە اتىراۋ قالاسىنىڭ اكىمى سەرىك ايداربەكوۆ ءمالىم ەتتى.
ەسكە سالا كەتەيىك, اتىراۋ قالاسىنداعى اۆانگارد-2 ىقشام اۋدانىندا ورنالاسقان №4 ءۇيدىڭ شاتىرى ورتكە ورانعاندا اتىراۋ وبلىسىنىڭ اكىمى باقتىقوجا ىزمۇحامبەتوۆ پەن اتىراۋ قالاسىنىڭ اكىمى س.ايداربەكوۆ ورىنباسارلارىمەن بىرگە وقيعا ورنىنا دەرەۋ جەتكەن ەدى. ءورتتىڭ قاساقانا جاسالۋى مۇمكىن ەكەندىگى جونىندە بولجام دا قاراستىرىلىپ وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.