وسى جىلى الكەي مارعۇلان اتىنداعى ارحەولوگيا ينستيتۋتىنىڭ ماماندارى الماتى وبلىسى تالعار اۋدانىنداعى تالحيز قالاشىعىنىڭ قازبا جۇمىستارىن اياقتادى. بۇل تۋرالى «24 kz» حابارلادى.
جالپى, تالعار ماڭىنداعى كونە تالحيز قالاشىعى XX عاسىردىڭ ورتاسىنان بەرى تۇبەگەيلى زەرتتەلىپ كەلەدى. عالىمداردىڭ مالىمدەۋىنشە, ۇلى جىبەك جولىنىڭ بويىنا ورىن تەپكەن بۇل كونە قالادا مادەنيەت پەن ساۋدا-ساتتىق قاتار دامىعان. «بيىل مەملەكەتتىك دەڭگەيدە تالحيز قالاشىعىن زەرتتەۋگە ارنايى قاراجات ءبولىندى. ەندىگى مىندەت – وسى كيەلى مەكەندى قورشاپ, ونداعى قۇندى جادىگەرلەردى كوزدىڭ قاراشىعىنداي ساقتاۋىمىز قاجەت. سەبەبى, قازىر ونىڭ اينالاسى اشىق جاتىر. بۇل ءىستى جىلدام قولعا الماساق, قالاشىقتىڭ اينالاسى ب ۇلىنەرى حاق», - دەيدى تاريح عىلىمدارىنىڭ كانديداتى تامارا ساۆەلەۆا.
ەلىمىز ارحەولوگتارى ورتا عاسىرلىق تالحيز قالاشىعىن يۋنەسكو دۇنيەجۇزىلىك مادەني مۇراسىنا ەنگىزۋگە ۇمىتتەنىپ وتىر. بىراق, ودان بۇرىن اشىق جاتقان كەيبىر بولىگىن قورشاۋعا العان ءجون.
دانيار تۇيمەباي.