قىزىلوردا وبلىستىق پروكۋراتۋراسى ۇستىمىزدەگى جىلدىڭ ءبىرىنشى جارتى جىلدىعىنداعى جۇمىس قورىتىندىسىن شىعاردى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.
كۇن تارتىبىندەگى ءبىرىنشى ماسەلە – «الەۋمەتتىك-ەكونوميكالىق سالاداعى زاڭدىلىقتى قاداعالاۋ باعىتى تۋرالى» باسقارما باستىعى عالىم ەدىگەەۆ بايانداما جاسادى. ەسەپتى مەرزىمدە وبلىس پروكۋراتۋرا ورگاندارى 535 تەكسەرۋ جۇرگىزىپ, 19 907 زاڭ بۇزۋشىلىقتى انىقتادى. وندا 10 812 ازاماتتىڭ كونستيتۋتسيالىق قۇقىقتارى مەن زاڭدى مۇددەلەرى قورعالىپ, 3 ملرد. 39 ملن. تەڭگە قارجىسى مەملەكەت پايداسىنا ءوندىرىلدى.انىقتالعان زاڭ بۇزۋشىلىقتار بويىنشا 626 ۇسىنىس ەنگىزىلدى, زاڭ بۇزۋشىلىقتاردى جويۋ تۋرالى بەرىلگەن 32 ۇيعارىم ورىندالىپ, 158 نارازىلىقتارمەن 1 908 زاڭعا قايشى كەسىمدەر بۇزىلىپ, 2008 تۇلعا ءارتۇرلى جاۋاپكەرشىلىكتەرگە تارتىلدى.
وبلىستىق پروكۋراتۋرامەن ازاماتتاردىڭ ەڭبەك قۇقىقتارىنىڭ ساقتالۋىنا ەرەكشە نازار اۋدارىلدى. وسىعان وراي جۇزەگە اسقان جۇمىستاردىڭ ناتيجەسىندە 2013 جىلدىڭ وتكەن مەرزىمىندە 23 مەكەمەنىڭ 2 566 جۇمىسشىلار الدىنداعى 174,1 ملن. تەڭگە جالاقى قارىزدارىنىڭ تولەنۋى قامتاماسىز ەتىلىپ, ەڭبەك زاڭناماسىن بۇزعان 43 تۇلعا اكىمشىلىك جاۋاپكەرشىلىككە تارتىلدى.
ەسەپتى مەرزىمدە پروكۋراتۋرا ورگاندارى سىبايلاس جەمقورلىق سيپاتىندا 3 قىلمىستىق ءىس قوزعادى. اعىمداعى جىلدىڭ 6 ايىندا كاسىپكەرلىكتى قورعاۋعا بايلانىستى 30 تەكسەرۋ جۇرگىزىلىپ, انىقتالعان 455 زاڭ بۇزۋشىلىقتار بويىنشا 3 نارازىلىق, 21 ۇسىنىس ەنگىزىلدى. ال قارالۋ قورىتىندىسىمەن 25 زاڭسىز اكتىنىڭ كۇشى جويىلىپ, 43 تۇلعا تارتىپتىك جانە 3 تۇلعا اكىمشىلىك جاۋاپكەرشىلىككە تارتىلدى. پروكۋرورلىق ىقپال ەتۋ اكتىلەرىنىڭ قارالۋ ناتيجەسىمەن 213 كاسىپكەردىڭ قۇقىقتارى قورعالدى.
تابيعات قورعاۋ زاڭدىلىعىن قاداعالاۋ سالاسى بويىنشا ۇستىمىزدەگى جىلدىڭ ءبىرىنشى جارتى جىلدىعىندا 42 تەكسەرۋ ۇيىمداستىرىلىپ, ولار بويىنشا 46 ۇسىنىس, 12 نارازىلىق ەنگىزىلىپ, ونىمەن 18 اكتىنىڭ كۇشى جويىلسا اكىمشىلىك جاۋاپكەرشىلىككە 161, تارتىپتىك جاۋاپكەرشىلىككە 33 تۇلعا تارتىلىپ, تابيعاتقا كەلتىرىلگەن 2 ملرد. 666 ملن. تەڭگەدەن استام زالال مەملەكەت پايداسىنا ءوندىرىلدى.
وبلىستىق پروكۋراتۋرا ورگاندارى سالىق زاڭنامالارى تالاپتارىنىڭ ساقتالۋىنا 11 تەكسەرۋلەر جۇرگىزىپ, 44 زاڭ بۇزۋشىلىقتى تاپتى. سونىڭ نەگىزىندە 13 زاڭدىلىقتى بۇزۋشىلىقتى جويۋ تۋرالى ۇسىنىس ەنگىزىلىپ, قارالۋ قورىتىندىسىمەن 7 ادام تارتىپتىك, 12 ادام اكىمشىلىك جازالار الدى. بۇل 3 ملرد. تەڭگە مەملەكەتتىك بيۋدجەتكە قارجى وندىرىلۋىنە جەتكىزدى.
جيىندا وبلىستىق پروكۋراتۋرانىڭ ارنايى پروكۋرورلار باسقارماسىنىڭ جۇمىسى تۋرالى باسقارما باستاعى جالعاس احمەتوۆ بايانداپ بەردى. ول ءوز سوزىندە بيىلعى جىلدىڭ 6 ايىندا قوعامدىق ماڭىزى بار دەپ تانىلعان 12 قىلمىستىق ءىس بويىنشا الدىن الا تەرگەۋ جۇرگىزىلگەنىن ايتتى. سوتقا جولدانعان قىلمىستىق ىستەردى 7-ءى بويىنشا ايىپتاۋ ۇكىمدەرى قابىلدانعان. مىسالى, ىشكى ىستەر ورگاندارىنىن قىزمەتكەرلەرى قىلمىس جاسادى دەپ جالعان ايىپتاعان ب.قالجانوۆ, ءبۇلدىرشىن قىزدى زورلاپ, ولتىرگەن ە. جاليەۆ, ەكى كاسىپكەرمەن بىرلەسىپ 5 ملن. تەڭگەدەن استام مەملەكەتتىك قارجىنى ۇرلاعان ءوىىد-ءنىڭ بۇرىنعى باسقارما باستىعى ءارتۇرلى مەرزىمدەرگە باس بوستاندىعىنان ايىرۋعا سوتتالدى.
قىزىلوردا قالالىق ىشكى ىستەر باسقارماسىنىڭ انىقتاۋشىسى ا.ءالجانوۆ 7 قىلمىستى ەسەپتەن جاسىرعانى ءۇشىن ايىپپۇل جازاسىنا تارتىلدى. سەزىكتى جونىندە تىيىم سالىنعان تەرگەۋ ادىستەرىن قولدانعان شيەلى اۋداندىق ىشكى ىستەر ءبولىمىنىڭ بۇرىنعى جەدەل وكىلىنىڭ قىلمىستىق ءىسى سوتتا قارالۋدا.
ەكى جىلدىڭ كولەمىندە 200. ملن. تەڭگەدەن استام سالىقتى تولەۋدەن جالتارعان جەكە كاسىپكەر سوتقا بەرىلدى. باعاسى 20 ملن. تەڭگەدەن استام مەملەكەت مۇلكىن 610.000 تەڭگەگە ساتۋدى ۇيىمداستىرعان بايقوڭىر قالاسىنىڭ دەپارتامەنت باستىعى جانە بوتەن م ۇلىكتى ۇرلاۋ قىلمىسىن ەسەپتەن جاسىرعان ارال اۋداندىق ىشكى ىستەر ءبولىمىنىڭ قىزمەتكەرى جونىندەگى قىلمىستىق ىستەر اياقتالۋ ساتىسىندا.
كەلەسى كەزەكتە ۇستالعان, قاماۋعا الىنعان جانە قىلمىستىق جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ بويىنشا باسقارما باستىعى مەيرامبەك يبراشەۆ ءسوز الدى. ول ءوز سوزىندە وسى ۋاقىت ىشىندە قىلمىستىق اتقارۋ زاڭدارىنىڭ قولدانىلۋىنا 1720 تەكسەرۋ جۇرگىزىلىپ, 517 زاڭ بۇزۋشىلىقتىڭ, ونىڭ ىشىندە 118 سوتتالعاننىڭ كونستيتۋتسيالىق قۇقىقتارىنىڭ بۇزىل