الداعى تامىز ايىندا قازاقستاننىڭ ءۇش وڭىرىندە ەلەكتر ەنەرگياسىنىڭ قۇنى ارزاندايدى. بۇل تۋرالى تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى امانجول الپىسباەۆ ءمالىم ەتتى.
«1 تامىزدان باستاپ قىزىلوردا, شىعىس-قازاقستان وبلىستارى مەن الماتىدا ەلەكتر ەنەرگياسىنىڭ قۇنى ارزاندايدى», - دەدى الپىسباەۆ.
بەرىلگەن اقپاراتقا بويىنشا, قىزىلوردا وبلىسىندا ەلەكتر ەنەرگياسىن جەتكىزۋ جانە ۇلەستىرۋ قىزمەتىنە 4,6%-عا تومەندەتىلگەن ۋاقىتشا وتەمدىك تاريف ەنگىزىلدى, ياعني ققس قوسا ەسەپتەگەندە 1 كۆت ءۇشىن 4,38 تەڭگەدەن 4,17 تەڭگەگە ارزانداتىلدى. الماتىدا «الاتاۋ جارىق كومپانياسى» اق-نىڭ 2012 جىلعا ارنالعان ينۆەستيتسيالىق باعدارلامانى جۇزەگە اسىرۋ بارىسىنا جاسالعان تالداۋ نەگىزىندە ەلەكتر ەنەرگياسىن جەتكىزۋ جانە ۇلەستىرۋ قىزمەتىنە 0,4%-عا تومەندەتىلگەن ۋاقىتشا وتەمدىك تاريف ەنگىزىلدى, ياعني ققس قوسا ەسەپتەگەندە 1 كۆت ءۇشىن 5,42-دەن 5,39 تەڭگەگە ارزاندادى. ناتيجەسىندە نەگىزسىز تابىس كولەمى 115,4 ملن تەڭگەنى قۇرادى. شىعىس قازاقستان وبلىسىندا «شىعىسەنەرگوترەيد» جشس ءۇشىن ەلەكتر ەنەگرياسىنىڭ ورتاشا قۇنى ققس قوسا ەسەپتەگەندە 10,21 تەڭگەدەن 10,14 تەڭگەگە نەمەسە 0,7%-عا تومەندەدى.
سۇلتان بوزايعىر.