تاۋەلسىزدىك العاننان كەيىن باسقا زەرتتەۋ سالالارىنداعى شەشىلمەگەن ماسەلەلەر سەكىلدى قازاقستان تاريح عىلىمىنىڭ دا وقشاۋ قالعان تۇستارى بولدى. كەيبىر تاريحي وقيعالار ءار ەلدىڭ تاريحشىلارى تاراپىنان ءارتۇرلى ءتۇسىندىرىلىپ, كەيدە قاراما-قايشى دەرەكتەردىڭ دە ورىن الىپ جاتاتىندىعى عالىمدارعا تاڭسىق جاعداي ەمەس. سوندىقتان عىلىم جولىنا ەندى قادام باسقان جاس عالىمدارعا شەتەلدىك ارىپتەستەرىنىڭ عىلىمي كوزقاراستارىمەن, قىزمەتتەرىمەن تانىسىپ وتىرۋ كاسىبي مامان رەتىندە قالىپتاسۋىنا مۇمكىندىكتەر بەرەدى.
«رۋحاني جاڭعىرۋ» باعدارلاماسىن جۇزەگە اسىرۋ ماقساتىندا ش.ءۋاليحانوۆ اتىنداعى تاريح جانە ەتنولوگيا ينستيتۋتىندا « ۇلى دالانىڭ ۇلى ەسىمدەرى: جاستاردى پاتريوتتىق تاربيەلەۋدىڭ عىلىمي-تەوريالىق جانە زەرتتەۋ ماتىنىندەگى پراكتيكالىق قىرلارى» تاقىرىبىندا وتكەن جاس تاريحشى-عالىمداردىڭ ءVىى حالىقارالىق عىلىمي-تاجىريبەلىك كونفەرەنتسياسى بارىسىندا وسىنداي تۇيتكىلدى ماسەلەلەر تالقىلاندى.
قازىرگى زامانعى تاريح عىلىمىنىڭ وزەكتى ماسەلەلەرىن تالقىلاۋ, ونىڭ ىشىندە عىلىمي-زەرتتەۋلەردىڭ تۇلعاتانۋ باعىتىن دامىتۋ, « ۇلى دالانىڭ ۇلى ەسىمدەرى» جوباسى بويىنشا جۇزەگە اسقان جوبالاردىڭ ناتيجەلەرىن كوپشىلىككە تاراتۋ, وسكەلەڭ ۇرپاققا پاتريوتتىق جانە ادامگەرشىلىك تاربيە بەرۋدى ماقسات ەتىپ وتىرعان ءىس-شارادا جاس عالىمدار كەڭەسىنىڭ توراعاسى, PhD تيمۋر اپەنديەۆ تۇڭعىش پرەزيدەنتى – ەلباسى ن.ءا.نازارباەۆ «بولاشاققا باعدار: رۋحاني جاڭعىرۋ» باعدارلامالىق ماقالاسىندا قازاقستاندى الەمنىڭ دامىعان وتىز ەلىنىڭ قاتارىنا ەنۋدى ماقسات ەتىپ قويعاندىعىن نەگىزگە الا وتىرىپ, «باعدارلاما ىسكە اسۋى ءۇشىن الدىمىزدا قانداي مىندەتتەر تۇر؟ قانداي وزگەرىستەر قاجەت؟» دەگەن ساۋالدارعا كوپشىلىكتىڭ نازارىن اۋدارا كەلە «قوعامنىڭ ساياسي جانە ەكونوميكالىق دامۋى, الدىمەن, قوعامدىق سانانىڭ جاڭعىرۋىمەن تىكەلەي بايلانىستى دەيتىن بولساق, ءاربىر حالىقتىڭ ءجۇرىپ وتكەن جولى, بۇگىنگى دامۋى, بولاشاعى, ءداستۇرى مەن مادەنيەتى, ۇلتتىق كودى ماڭىزدى ءرول اتقارادى. دەمەك, ءبىزدىڭ, ياعني تاريح سالاسىندا زەرتتەۋلەر جۇرگىزىپ جۇرگەن جاس عالىمداردىڭ الدىندا ۇلكەن جاۋاپكەرشىلىك تۇر. ءبىزدىڭ زەرتتەۋلەرىمىزدىڭ عىلىمي ساپاسى, تاريحي فاكتىلەردى, قۇبىلىستاردى ءتۇسىندىرىپ, ۇعىندىرۋداعى ۇستانىمى, سونداي-اق بەلگىلى ءبىر تاريحي جاعدايلاردا تۇجىرىمداردى دۇرىس قولدانا ءبىلۋىن باسشىلىققا الۋىمىز قاجەت» دەپ اتاپ ءوتتى.
جاس عالىمدار كونفەرەنتسيا ماتەريالدارىن قازاقستاننىڭ, شەتەلدەردىڭ كىتاپحانالارىنا, جوو, عىلىمي-زەرتتەۋ ينستيتۋتتارىنا تاراتۋمەن قاتار تمد ەلدەرى جاس عالىمدارىنىڭ جازعى مەكتەپتەرىن وتكىزۋ ءداستۇرىن جالعاستىرۋ, سونىمەن قاتار كەلەسى جىلى ناۋرىز ايىندا «Tugurul Han On-Han» كورپوراتيۆتىك قورىمەن بىرلەسە وتىرىپ, تۇعىرىل حان, تايبۇعا حان جانە سەيداق حان اتىنداعى جاس تاريحشى-عالىمدارعا ارنالعان رەسپۋبليكالىق بايقاۋىن وتكىزۋ سياقتى جاس عالىمداردى ىنتالاندىرىپ, عىلىمعا تارتۋعا بايلانىستى كەشەندى جوسپارلاردى تالقىلادى.
كونفەرەنتسيا بارىسىندا اتالعان ينستيتۋتتىڭ عىلىمي قىزمەتكەرى م.مورياكوۆا جاس عالىمدار تاراپىنان اتقارىلعان جۇمىستارعا شولۋ جاساپ, جوبالاردىڭ تانىستىرىلىمىن وتكىزسە, س.ۆەلەنت-ششەرباچ, س.زيەەۆ, ە.تەميروۆ, م.بۋۆاكوۆ, م.جىلگەلدينوۆ, و.الىمقوجاەۆ, م.قوزىباەۆا, ق.ومىربەك, م.شاعىرباەۆ, ج.قۋانىش, د.جايلىباەۆ, ۇ.تولەشوۆا سەكىلدى بەلارۋس, وزبەكستان, تاجىكستان, قىرعىزستان ەلدەرىنەن كەلگەن جانە وتاندىق عالىمدار عىلىمنىڭ وزەكتى ماسەلەلەرىن تالقىلاپ, ءوز زەرتتەۋلەرى بويىنشا بايانداما جاسادى. سونداي-اق ۇسىنىلعان جانە تالقىلانعان باياندامالار نەگىزىندە كونفەرەنتسيا قاتىسۋشىلارى قازىرگى تاريحي تۇلعاتانۋدىڭ وزەكتى ماسەلەلەرىنە وراي شەشىمدەرىن ورتاعا سالدى.
ءىس-شارا اياسىندا جاس عالىمدار اراسىنداعى جىل سايىن وتكىزىلەتىن ەرمۇحان بەكماحانوۆ اتىنداعى رەسپۋبليكالىق بايقاۋ قورىتىندىسى جاريالانىپ, جەڭىمپازدار ماراپاتتالدى.
الماتى