ەلوردا اكىمى التاي كولگىنوۆ پروكۋراتۋرا ارداگەرلەرى مەن قىزمەتكەرلەرىن كاسىبي مەرەكەسىمەن قۇتتىقتادى. ەرەكشە كوزگە تۇسكەن قىزمەتكەرلەرگە توسبەلگىلەر, مەدالدار مەن گراموتالار تابىس ەتىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
- ەل تۇراقتىلىعى مەن ونىڭ زاڭدارىنىڭ قاتاڭ ساقتالۋىنا قاداعالاۋ ورگانى قىزمەتكەرلەرىنىڭ قوسقان ۇلەسى زور. قالامىزداعى قوعامدىق قاتىناستاردىڭ قالىپتى بولۋى جولىندا وسى سالادا اتقارىپ جاتقان ادال ەڭبەگىڭىز ءۇشىن العىسىمدى بىلدىرەمىن, - دەدى ا. كولگىنوۆ.
نۇر-سۇلتان قالاسىنىڭ پروكۋرورى باۋىرجان مىرزاكەروۆ بيىل قازاقستان رەسپۋبليكاسى پروكۋراتۋرا ورگاندارىنىڭ قۇرىلعانىنا 28 جىل تولعانىن ايتتى.
- مەملەكەت مۇددەسىن, ازاماتتاردىڭ كونستيتۋتسيالىق قۇقىعىن قورعاۋ ءبىزدىڭ باستى مىندەتىمىز. ارىپتەستەرىمدى مەرەكەسىمەن قۇتتىقتاي وتىرىپ, ەلىمىزدىڭ يگىلىگى ءۇشىن ەڭبەك اتقارۋدا تەك تابىس تىلەيمىن, - دەپ اتاپ ءوتتى ول.