اۋا رايىنىڭ بۇزىلۋىنا بايلانىستى قازاقستاننىڭ بىرقاتار وبلىسىندا ەسكەرتۋ جاريالاندى. بۇل تۋرالى «قازگيدرومەت» رمك ءباسپاسوز قىزمەتى حابارلادى.
6 جەلتوقساندا قىزىلوردا وبلىسىندا وڭتۇستىك-باتىستان سوققان جەل كۇشەيىپ, كەي جەرلەردە جەل ەكپىنى 15-20 م/س جەتەدى. اقمولا وبلىسىندا 6 جەلتوقسان - كۇندىز, 7 جەلتوقسان - تاۋلىك بويى وڭتۇستىك-باتىستان جەل سوعادى. جەلدىڭ كۇشى - 15-20 م/س, كەي جەرلەردە - 23-28 م/س, ەكپىنى - 30 م/س جەتىپ, ودان اسادى.
6 جەلتوقساندا اقمولا وبلىسىنىڭ كەي جەرلەرىندە قاتتى جاۋىن-شاشىن (جاڭبىر, قار) كۇتىلەدى. 6-7 جەلتوقساندا كەي جەرلەردە تۇمان ءتۇسىپ, كوكتايعاق جانە بۇرقاسىن بولادى. 6 جەلتوقساندا كوكشەتاۋ قالاسىندا كەي ۋاقىتتا بۇرقاسىن كوتەرىلىپ, كوكتايعاق بولادى. وڭتۇستىك-باتىستان جەل سوعادى, كۇندىز جەل ەكپىنى - 15-20, 23 م/س. 7 جەلتوقساندا تۇندە جانە تاڭەرتەڭ وڭتۇستىك-باتىستان سوققان جەلدىڭ جىلدامدىعى سەكۋندىنا 15-20 مەترگە جەتەدى. 6 جەلتوقساندا قوستاناي وبلىسىنىڭ كەي جەرلەرىندە بۇرقاسىن سوعىپ, تۇمان تۇسەدى. كوكتايعاق بولادى. وڭتۇستىك-باتىستان جەل سوعادى. تۇندە كەي جەرلەردە جەل ەكپىنى - 15-20 م/س, كۇندىز - 15-20, 23-28 م/س جەتەدى.
6 جەلتوقسان كۇندىز قوستاناي قالاسىندا بۇرقاسىن كوتەرىلەدى, وڭتۇستىك-باتىستان سوققان جەلدىڭ ەكپىنى - 15-20 م/س.
6 جەلتوقساندا جامبىل وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى. وڭتۇستىك-باتىستان جانە باتىستان سوققان جەلدىڭ كۇشى ەكپىنى 23-28 م/س دەيىن كۇشەيەدى. كۇندىز اۋا تەمپەراتۋراسى 0-5 گرادۋس جىلى, كەي جەرلەردە تەمپەراتۋرا كۇرت تومەندەپ, 3 گرادۋس اياز بولادى.
سولتۇستىك قازاقستان, اقمولا, شىعىس قازاقستان وبلىستارىندا 6 جەلتوقسان - كۇندىز, 7 جەلتوقسان - تاۋلىك بويى, سونداي-اق پاۆلودار وبلىسىندا 7 جەلتوقسان - تاۋلىك بويى, 8 جەلتوقسان – تۇندە وڭتۇستىك-باتىستان كۇشتى جەل سوعادى. جەلدىڭ كۇشى - 15-20 م/س, كەي جەرلەردە - 23-28, 30 م/س بولادى جانە ودان اسادى.
6 جەلتوقساندا اقمولا, شىعىس قازاقستان وبلىستارىنىڭ كەي جەرلەرىندە قاتتى جاۋىن-شاشىن (جاڭبىر, قار) بولادى. 6-7 جەلتوقساندا كەي جەرلەردە تۇمان ءتۇسىپ, كوكتايعاق جانە بۇرقاسىن كۇتىلەدى.
6-7 جەلتوقساندا نۇر-سۇلتان قالاسىندا بۇرقاسىن كوتەرىلىپ, كوكتايعاق بولادى. وڭتۇستىك-باتىستان سوققان جەلدىڭ كۇشى 15-20 م/س جەتەدى. 6 جەلتوقسان - كۇندىز, 7 جەلتوقسان - تاۋلىك بويى جەل ەكپىنى 25 م/س دەيىن كۇشەيەدى.
سولتۇستىك قازاقستان وبلىسىندا 6 جەلتوقسان - كۇندىز, 7 جەلتوقسان - تاۋلىك بويى وڭتۇستىك-باتىستان سوققان جەل كۇشەيىپ, ەكپىنى 15-20 م/س, كەي جەرلەردە 23-28 م/س, 30 م/س جەتىپ, ودان اسادى. 6-7 جەلتوقساندا كەي جەرلەردە تۇمان, كوكتايعاق, بۇرقاسىن كۇتىلەدى.
6 جەلتوقسان سولتۇستىك قازاقستان وبلىسىنىڭ باسىم بولىگىندە قار جاۋادى. 6 جەلتوقساندا پەتروپاۆل قالاسىندا قار جاۋىپ, بۇرقاسىن سوعادى. كوكتايعاق بولادى. وڭتۇستىك-باتىستان جەل سوعادى. جەل ەكپىنى كۇندىز سەكۋندىنا 23-28 مەترگە دەيىن كۇشەيەدى.
6 جەلتوقساندا اقتوبە وبلىسىنىڭ كەي جەرلەرىندە بۇرقاسىن كوتەرىلەدى. وڭتۇستىك-باتىستان سوققان جەلدىڭ جىلدامدىعى - 18 م/س. 6 جەلتوقسان اقتوبە قالاسىندا كەي ۋاقىتتا بۇرقاسىن سوعادى. وڭتۇستىك-باتىستان جەل سوعادى, ەكپىنى - 16 م/س.